|
جيت كلك في كلام (ن) ما يعاب (مجاراة رد على مجاراة الاخ يوسف الخليفه) بسم الله الرحمن الرحيم (استأذنت من الاخ الفاضل / يوسف الخليفه البارحه في المواصل للمجاراة ومجاراتنا في القصايد قديمه بدت من قصيدتي {كيف ازهب يابو عبد الله زهاب} حيث انه جارى القصيدة الاخيره وتعذر على البطا بحسن العذر وعذره بلاشك مقبول ،وحيث انه لم يرد على استئذاني ، والسكوت علامة الايجاب، وانا على أي حال من قبيل الميانه،وواجب تلبية الدعوة اللي وجهها لي في القصيدة،لا خلا ولا عدم، الله يحفظه ،تجرأت بها البويتين: (الزنقه 2 ) مرحبا باللي لفا عقب الغياب ................. ويا هلا باللي كلامه ما نمله ما نمله لو يعرضنا الصعاب ...............قلتها شله وهي لي خوش شله دعوتك لبيتها بأحسن جواب ..............والكرم ما ردّه الا منكر(ن) له جيت كلك في كلام (ن) ما يعاب ............... وانت يالمحشوم ما جا منك زله وزلة الاصحاب له طعم الرضاب ............... ما نبي العدوان تفرح لا ولل له تونا بادين في فتح الكتاب ............ما قرينا الحمد واغلقت السجلّه من تعدى الحد يبلش بالنشاب ..............ومن تخطى الدرب حنْ والله ندله ومن يعاني من صواديف الرّهاب .............. له طبيب النفس يا صف له دواً له والظليم اللي تدثر بالتراب .............يحسب الصيّاد لو نيشن يزله اوجعتني الكف من كش الذباب ............ ما عرفت ان العسل هو محبل(ن) له ما يخونك في التعابير الخطاب ...........يوم درت الحول جبت العلم كله وراعي الزنقه ولده اللي مصاب ...........ينتخي والرمي جاه من اسفل(ن) له وراعي القات ان تنحى هو معاب ...............مزبل التاريخ حازه واستحله وراعي البعث اللي اثخن في الخراب ............لازم(ن) تاليه يحضى بالمذله ويوم (.... ) قال هل هو مع صواب ..............أسألو المقرود كيف العلم دله وان بغيت العلم نرسل لك كتاب ............نختمه بالسر وانت اللي تحله آل – بو هلال التميمي (احمد، ابو راكان) |
| الساعة الآن 04:06 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir