|
الضباء كثرت على حكمة خراش++عض بهمه وارتجف كدش الكدوش :fبسم الله الرحمن الرحيم الله اكبر وشبلا الدنيا نشاش .................والغصون الخضر ما فيها بشوش حار فكري وابتلش والكيف شاش ...................وارتعش جسم له البلوى تحوش الرسايل وان بغيناها نواش ................اختفت في غمرة الغبراء لطوش الرفاقه هي سبب والا لهاش ................او يصير ان السبب هو كيف غوش عاذر(ن) نفسي واحسب اللاش لاش .............. واثر لاشي وان صدق علمه يطوش واحسب ان العلم ياتيني بلاش ............... عايش(ن)وقتي واحسّب فالرتوش يا نديب العلم فكر بالمعاش ...............لا تقول ان جاك غبن(ن) فيه خوش خبّر اللي ساكن(ن)فارض(ن) هشاش ...................قله احذر من عواثير(ن) تهوش واحترس وان جاك من نوش الرشاش ................بعض فعل السّو يغدي لو ينوش العرب ماحد(ن)يدّور غير كاش ................قام يرجف صاحبي كن فيه بوش وانهدل زقمه تقل عكفت كلاش ...............وانحنى يجمع من الدنيا لهوش راس ظبي(ن) ما ورا جنسه عراش ....................في سراب القاع مظمى(ن) للطروش ان ضحك يذي والى حاكاك هاش ................مُنكر(ن) صوته قريب(ن) للجحوش بالذره يدخل سريع(ن) لا استهاش ..............طارت البوهه وفعله صار هوش الضباء كثرت على حكمة خراش ...............عض بهمه وارتجف كٍدش الكدوش وارمشت عينه مثل غمز الفلاش ..............ايتبلّص ما نجت منه النعوش ان رقد جيفه يقلّب بالفراش ............مخنز(ن) في ريحته عطن المروش فقد مثله مكسب(ن) بعته بلاش ...........وان بغى المردود نرخي بالقروش النظافه ما يجي معها خشاش ..............يبتلش بالعيش ماله من معوش جهّزو لي فاطري مالي معاش .........بين خلق(ن) خلْقهم كله غشوش يمموني قاصد(ن) قفر(ن) مشاش ...........في كنفها ما نغبط اهل العروش آل- بوهلال التميمي (احمد ،ابو راكان ) |
| الساعة الآن 02:58 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir