|
العم احمد وحكمته مع الشغاله والمصري الشياب وحكمتهم في التعامل .. احتاج العم احمد الله يحفضه ويطول بعمره شغالة تساعد زوجته بالبيت خصوصاً بعدما كبرا بالسن وكثرو الاطفال وقرر ان يستقدم شغاله .. توجه الى اقرب مكتب وقدم طلب وقعد حوالي شهر الى ان وصلته شغالته الاندنوسيه وبدأت معهم في العمل وتنضيف البيت وغيرها من متطلبات البيت واحسو بالراحه الا ان هذه الشغاله لم تكمل شهر حتى بدأت بالعصيان عن العمل وتطالب بشدة بالسفر .. حاولت زوجة العم احمد اقناعها ولكن دون فائده واخبرت زوجها بأنها لاتريد العمل وردد بداخله درئاً للمشاكل التي يتسببون بها الشغالات هذه الايام سوف ارجعها الى المكتب واستبدلها خصوصاً انها لم تكمل الشهر ،، فعلاً اخذ الشغاله واتجه الى المكتب وشرح لهم الموضوع وقال له الموظف المصري ، انت اتركها عندنا الليله ونحنا بنحاول نقنعها وبنتصل فيك بكره - قال خلاص انتم جبتموها وادرى فيها وتركها عندهم ... مايدري اليوم الثاني الا المكتب يتصل عليه يقوله تعال خذ شغالتك ، وفعلاً راح استلمها وماشاء الله ماهي الي على خبره اليومين الي راحت واشتغلت معه تمام ... ولكن ماكملت الشهر الثاني الا وهي تعصي ورجعت حالتها مثل ماكانت بالمره الاولى .. وقال مالي الا المكتب وفعلا شالها واتجه على المكتب وقالو له خلاص خليها عندنا واحنا بنقنعها ونتصل فيك ... وفعلا جاء اليوم الثاني واتصلو عليه واستلمها زي الفل واستمرت السالفه 4 شهور على هذا الحال الى ان تعبت وشالها ووداها المستشفى وكشف عليها وطلعت حامل !!! العم احمد انصدم وانقهر وقال " انا لي 4 اشهر اشتغل قواد عند ذا المصري طيب " ويقول وانا اسفرها واروح للمكتب وسويت نفسي مادري عن الموضوع وقابلت المصري وقلت ابغالي شغاله جديده .. اقال امال شغالتك الاولى فيين ؟ قال العم : طاحت علينا بالبيت ورحت كشفت عليها طلع عندها ايدز وسفرتها على طووول يقول المصري تغير لون وجهه ومن ذاك اليوم لليوم سافر بلاده ولاعاد شفناه |
| الساعة الآن 07:18 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir