|
عليك من الوله شوقي يزاحم زفرة الانفاس / بقلمي السلام عليكم ورحمة الله وبركاته من احساس المشاعر جيت لك بالشعر والهوجاس عسى ماقلت ينصفني ويشرح لك عن اوضاعي لمعتي في سماء حبي بريق وشمعة الجلاس ورسيتي في بحر حبي سفينه مدري اشراعي عليك من الوله شوقي يزاحم زفرة الانفاس وعليك من الهوى حب يموت ولانزل قاعي هويتك يالغرام العذب واهديتك من الاحساس نياق الحب في صدري رعيه وانتي الراعي تمشي في خفوقي وارفقي به بد كل الناس تراي من الجروح انزف بقايا الهم واواجاعي تخيرتك ذهب يادرة الخافق ماهوب نحاس وتركت الناس لعيونك وانا فالقرب طماعي ابيك تعالج الجرح القديم وتترك الاوناس وابيك تشيع حبي بين كل الناس لاشاعي ابي حب (ن) على وضح النقا ماهوب للانجاس وابي مرسال حبك في بريدي يتعب الساعي خلاصة ماكتبته عان الحب جاء له ساس تمشي في خفوقي واحسبيه اليوم مطواعي |
واااايد انصدمت من رررررررروعه القصايد والخواطر حبيييييتهم كل قصيده او كل خاطره اتميزها شي وانت ماشاءالله عليك تعرف تجذب من العنوان وشكرا وايد وايد على الطرح الجميل والرائع والي ما ينوصف بلكلام وراء كل ابداع قلب مفكر ابدعو ف تتميزو ويستحق الشاعر (راعي النيسان 97) كل الشكر والتقدير من اعماق قلوبنا على كل حرف وكل كلمه تم كتابتها في كل قصيده او خاطره وشكرا لك |
| الساعة الآن 03:25 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir