|
رد على قصيدة صافي السريرة " انت المحيط ان كان للبحر سباق ... بسم الله الرحمن الرحيم تحيه طيبه للجميع صافي السريره كتب له ثلاثين بيت مروبع في موضوعه " يا بندر بن عويف لبيك لبيك " ورديت عليه ب 48 ابي اقفل القاف واثره بحر ويكتب له 32 بيت ساقها في موضوع سماه " انت المحيط ان كان للبحر سباق " والان هذا ردي ليس للمجاراه لا بل هو تحدي مع النفس للقاف نفسه واختبار قدرتها ع ابداع افكار جديده علئ الاس خصوصاً بعد ما قال ابو راكان انه صعب وفيه تكرار ... في الابيات هذي خليت قاف الاس على وزنه وحده وهي ( فـَـعـَـلْ ) مثل ( أنَسْ ) بينما كانت في القصيده السابقه ع وزن ( إس ) ولعلها تحوز ع رضاكم واستحسانكم اقول ؛ بسم منهو خالقن انسن وجن ........... الكريم اللي صرف عنا الفتن ابتدي بالقول يــوم الليل جن ......... للرفيق اللي على الوزنات مس مس يغرف له قصيدن من بحر ........... من سعاطيرن تقادح كالشرر ساق له سطْرن يداحم له سطر ........ اشهد ان زناده اقشر لا انلمس ما تقول الا براسه الف جني ........... ممتلي من كل علم وكل فني كل بيت يدن فـ الاذنين دني ......... راضة القيفان له روض الفرس شاعرن قناص حكته السنينا ...... وللخوالي هاض في صدره حنينا ما تمده لليسار من اليمينا ........ نادرن من عهـــد قفى وانــدرس جيت له منا ومنا ثم منا ............ وكل ما زدنا يزود القرم عنا وجالنا طنه وجاله الف طنا ........... مثل قازن لأروح الشعله قبس ساق له قيفان وطروق ثمينه ........... انتقى فيها الجزايل والسمينه يا عسا يبطي وتبطي به سنينه .............الرفيق اللي قصيده له ونس والقصيد يزين لا جاله دواعي .......... داعيـ ن يدفعك للبدع اندفاعي خص عين النقد لا قامت تراعي ............ والشعر لا شان جعله للفلس هاضت شجوني لقافه وانتشت .......... والقصيدة في شراييني مشت شاش راسي يوم قيفاني نشت ........ مسني من قبل اسمي ألف مس وجيت اوصف له تصانيف الرجال ...... رغم ضيق الوقت مع ضيق المجال هاك بعض وصوفهم جتك بـ عَجَال .......... بختصرها قبل ما يدق الجرس الرجال انواع وافهم يا فهيم ......... واستمع للوصف والقول السليم فيهم الجيّـد ويا كثر الغشيم ............ وفيهم اللي لو تلمّح استحس الردي في رفقته مالك حصيله ............. مثل نقال الحيايا في شليله ولا هرج جاب المخازي والفشيله ......... مع زحول القوم لا صف اندعس وصاحبن ضحاك لكن دون حاجه ........... ولا تكلم جات لهروجه لجاجه في خراجه باه ما يعرف خراجه ....... لو يجي في ماقفن حرْج انهرس وصاحبن يا كثر حبه للنقايد .......... ولـ عياب الخلق جاي له عوايد ما تحصل من ورا شكله فوايد .......... له عيونن تقدح بشهب النحس وصاحبن دندون قرمن ما عليه ............ لوك زبده ما تمايعت فـ يديه فالخطر يا سعد منهو ينتخيه ......... مجلسه صدر المجالس لا جلس ان بغيته في طواريق الطناخه ........... جاك بأبياتن غزيره بالشياخه جعل تفدا الذيب قطعان الذياخه .......... ولو يطول الليل له ما قلت بس لا بغيته في لوازيم احتزم ............ في ملازيم الطحاطيح التزم ما رأت عينك مثل عزمه عزم ....... جعل له من حرسة الباري حرس لا بغيت الذيب جا ذيب الغداري ......... للعشا والصيد في عينه مواري وللطناخه في سعاطيره محاري .............. المراجل حبها فيه انغرس بحر طيبه غبتن ما فيه قـاع ........ يطوّع العسرات لو هي ما تطاع تشوف عطنات الشجاعه فالشجاع .......... ليث غابن لا زئر خصمه خنس وأن زعل او ضاق شرن مستطير ........ صارمن بتار كالسيف الشطير كل عدوانه تهابه لا استثير ...... وصف ما شاف الفعايل ما دلس لا لقيته حطه حزام وعضيد ............. لو تبيد الناس طيبه ما يبيد كاسب الطالات مع حنكن وجيِد .......... عن دروب الطيب لا ما يوم هس وفالختام الله يقديك بهداه ......... ويصرف الباغين عنك والطغاه ويجعلك في خير حالن من عطاه ......... هاك يا هداج تيما قاف رَس بندر بن محمد بن عويف |
| الساعة الآن 01:43 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir