|
استشارتكم برفع الهدد 2012 ..... لاتبخلون علينا يالربع ...... السلام عليكم الله يصبحكم ويمسيكم بخير يا اعضاء هالمنتدى الرائع فعلا اخواني الله اكرمني وابشركم شريك لاندكروزر هدد 2012 وما استغني عن مشورتكم ونصيحتكم بخصوص رفع السياره ( من الخلف بس ) فيه من شار على بالكعكات الالمونيوم وفيه من شار على بتبديل الربلات بوحده اسمك وفيه من شار على بالياي الاسترالي ( علما اني مايل للياي الاسترالي بس ماعرف وش المقاس المظبوط ) وانا والله اني احترت ولاعاد ادري وش اسوي اخواني اللي جرب شي معين وينصح فيه لايبخل علينا ( سوائا كانت التجربه جيده او سيئه لتعم الفائده ) علما ان استخدامي للسياره بشكل يومي ولاني راعي ومقانيص وطردي لا راعي مكاشيت ونفود علما ان مركب تانكي مويه 90 لتر والاغراض واجد ( عزب طبخ وقهوه وحطب ودبه غاز ..... الخ ) واذا حملت الموتر وهو شد بلد طبعا ينز من ورا ويرتفع وجهه ابي شي كويس ولايضر على السياره ويرفعها من ورا شي بسيط عشان مع التحميل مايكون نازل اعذروني على الاطاله وماتستغني عن نصايحكم لاعدمناكم وهذي صوره المبروك |
| الساعة الآن 06:42 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir