مشكله في قير الاكسبلورر موديل 2008 اتمنى اجد حل
 

السلام عليكم ورحمة الله وبركاته

يا اخوان انا عندي اكسبلورر 2008 خليجي من وكالة الطاير

ماشي 120000 كيلو 6 سلندر بنزينه 91

فيه مشكله في القير ..

اول ما شريت الموتر اذا عشقت d يطلع صوت دقه مو دايم تجي سألت كثير قالو طبيعي

المهم بعد فتره وانا امشي على السياره الاحظ في دقه تجي في التعشيقه الثالثه تقريبا

وتروح مو دايم.

المهم انا سافرت عليها من الرياض الى جده قبل الحج وانا مسافر وقبل ادخل جده صار

القير يفضي ويعشق وكثير ويطلع الصوت بعد ما يرجع يعشق دقه قويه

المهم انا هديت السرعه لين وقفت ..بعد ما وقفت طفت السياره كل ما احطها على الدي تطفي

المهم طفيت السياره حوالي ساعه وشغلتها وشتغلت عادي ومشت السياره وصار فيه لمبه صفراء في شاشة المعلومات الكل يعرفها اشتغلت

المهم وديتها للبسامي وارسلتها لرياض.

وبعد ما رجعت لرياض استلمت السياره واشغلها وامشي عليها وما فيها شي والمبه الصفراء طفت.
وكشفت عليها في ترايستار وساقها البناني وقال مخبط القير لكن بنغير المنظم ومعه اشياء ثانيه وان شا الله يضبط .وفني البيان قال مخبط .

انا ما تقبلت سالفة التخبيط لسبب ابي اعرف وشلون الان تشتغل عادي واداوم عليها من بعد الحج وما فيها شي وعلى كلامهم مخبطه .صح تجيها بعض الاحيان دقه في التعشيق وانا امشي.

ولكن اللي انا اشك فيه هو اذا احتر القير يقوم يلخبط واذا برد القير يكون سليم ما فيه شي مثل ما صار علي

ارجو من عنده الخبره والدرايه يفيدني

او يدلني على ورشه يجيبون العلم


والسلام عليكم ورحمة الله وبركاته