|
مثل ما وعتكم خطوات قرص الجمرررررر بسم الله الحمن الرحيم لرغبه اخ كريم تقبلو مني طريقتي بتجهيز قرص الجمر تجهز 3 الى 4 كيلو طحين بر رقم واحد من عند المطاحن بدون كيماويات وتطحنه عنده مع شوي ملح هم يعرفون الكميه المناسبه تعجن الطحين مع شوي ماء فاتر وتزيد عليه ان احتجت بشرط ان لا تجعل العجين رخور ورطب يفسد عليك القرص وان اعتزت رش عليه من الطحين حتئ يصير العجين متماسك ولايلتصق بيدك وتحطه بقدر او طشت وتغطيه بفوطه لمدة ساعتين الى 3 ساعات حتى يركد ويتخمر نكمل باقي الشرح مع الصور العجين جاهز http://www.mekshat.com/pix/upload06/...k61010_271.jpg نغطيه بفوطه ونتركه لين يركد من الهبا ل http://www.mekshat.com/pix/upload06/...k61010_270.jpg نجهزقدر قطره 30 الى 40 سم وارتفاعه 15 سم تقريبآ ونحط قسديربداخل القدر تغطيه كامله والكامل وجه الله وتكون طبقتين ونرش عليه طحين مثل ما تشوف http://www.mekshat.com/pix/upload06/...k61010_269.jpg نجي للعجينه بعد ماخمرت ونرش عليه طحين من فوق ولا يهمك ان الزياده احسن حتى ماتلتصق بالقسدير وترطب يدك عشان تقدر تطلع العجين لانه يكون لصق http://www.mekshat.com/pix/upload06/...k61010_273.jpg نحط العجينه بالقدر والسبب عشان تاخذ نفس شكل القدروتكون سميكه الاطراف وبهذي الطريقه تحصل على كميه اكبر غير محترقه خلاف الطرق المتبعه من اغلب الناس قرص نحيف واغلبه يابس ونصفه تراب ولا اعتراض لكن كلن له رايه لاتنسى وانت تحط العجين بالقدر ترش طحين بينه وبين قائم القدر حتى مايلصق هنا جاهز للفرن البري هههه http://www.mekshat.com/pix/upload06/...k61010_281.jpg نكون محضرين المشب فوق الرمل احرص على ان يكون الرمل كافي من فوق ومن تحت ومن جنب http://www.mekshat.com/pix/upload06/...k61010_284.jpg ندفن القرص تمامآ قبل يبرد الرمل نوزع الجمر فوقه وكل ما رمد حط زود قبل تنام لاتنسى القرص صارله 3 ساعات ونص تقريبآ طلعه من تحت الرمل ونفظ التراب http://www.mekshat.com/pix/upload06/...k61010_301.jpg ريحته تشق الراس بس البطن مليان من بنات المذن الوعد الصبح ان شاء الله http://www.mekshat.com/pix/upload06/...k61010_315.jpg قطعه وصل صغيره 6 قطع تقريبآ عشان يطلع منه البخار http://www.mekshat.com/pix/upload06/...k61010_324.jpg حطه بقدر او صحن وغطه تمام عن الخشاش بفوطه انتبه لا تكتمه ببلاستك يعفن عليك http://www.mekshat.com/pix/upload06/...k61010_325.jpg صبحك الله بالخير يالحبيب هلحين نفرمه او نفتته نحط عليه زبده وسكر حسب الرغبه وكلن له مزاج احد يحب يرش عليه عسل واحد يحب يرش سكر واحد ساده ونشوحه على النار لمده 5 الى 10 دقايق وبالعافيه على الجميع http://www.mekshat.com/pix/upload06/...k61010_312.jpg حفظكم الله |
| الساعة الآن 01:32 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir