|
سالفتي مع بيض الدجاج عند جدتي الله يرحمها دجاج في غريفه وحاطين فيها قشاش وحشيش للغنم والدجاج ومتكومه وجاي لها دهاليز المهم صاحت علي جدتي الله يرحمها هات البيض واطير مثل المسكون واتناوش الغريفه لافيه كهرب ولا فانوس ولا شي المهم واعود مسرع للمطيبخ واسحب علبة الكبريت واتناوش الغرفه واولع بعود الكبريت ومن شدة رارته بغا ياكل اصبعي المهم فكيته من يدي ويطيح على القشاش ههههههههههه وعينك ماتشوف الا النااااار قبست في لحظه وانا انافخ افففف اففففف افففففف وكل مانفخت احس النار تزيد والله واطمر ذيك الطمره (طمرة المرتااااع) واقرط في اسفل ثوبي وانحاااش ههههههههههههههههههههههه تحسبني علمت جدتي والا امي والا اخواني والا احد ابد حطيت رجلي من الروعه ولا صحيت لنفسي الا بعد ماوصلت لأخر الحاره ههههههههههههههههههههههههههههههههههههههههه ويوم رجعت الا البيت كله برا والصياح والنياح أثرهم يحسبوني محترق في الغرفه ههههههههههههه والله ويجينا الدفاع المدني بهاك الددسن ومعهم جراكل ماء ويصبون على النار ويحاولون الين طفوها قال واحد منهم عسكري من اللي شب النار هههههههههههههه ومن القهر قالت جدتي الله يرحمها ويغفر لها هاذا المقرود هو اللي بغى ياكلنا والله لايوريكم ياجاني صياح ماهوب طبيعي ماوقف الا يوم جاء جدي الله يرحمه وقال هاك وانا جدك ويعطيني (اربعه قروش) القديمه اللي كبر عين البقره ياثقلها ثقلااه تقول انه معطيني مية ريال واسكت واقعد اشاهق هههههههههههههههه وسلامتكم اتمنى تعجبكم |
| الساعة الآن 04:17 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir