منتدى استراحات زايد - سالفة: الربيع والنفل..قوافي

http://t3.gstatic.com/images?q=tbn:A...Ts0h4z-LR8TYCs
مشرفينا الكرام
أخواني.أخواتي.زوارنا
السلام عليكم ورحمة الله وبركاته
طلعو مجموعه من الاصدقاء للبر ومعهم ضيف اكبر منهم شوي بالعمر وهو مدير واحد منهم بالعمل..
وصلو المكان المراد وحولو قشهم وشبو :f وافطرو على كبدة خروفهم..
ويوم جا وقت طبخ الغدا حلف الضيف ان مايطبخ الغدا إلا هو ويبي يذوقهم كبسته اللي ما مثله كبسه..بدا بالطبخ وحط دهن يكفي عشا عرس،، وكشن فيه البصل ،،غير ان الكبده بالفطور مطبوخه بدهن ،،وقعد يسولف ومبسوط واللي معه يقولون له موب كثير الدهن لا نستظر !! يقول لالا ابد ما جايكم شي وكمل كبسته اللي تقطر ،،ويوم انتهى تغدو وشربو شاهي وعينو خير ..
وعقب صلاة العشاء ولمو قرصهم ودفنوه بالمله وبآخر الليل كلوه مع عسل وسمن بري جايبه الضيف معه .. واحد من اللي قاعدين يقول للضيف يابو فلان ما يجيك شي تراك كثرة دهن ؟؟ يقول لالالالالا انا بالبيت والبر نفس الشي متعود ما علي شر ان شاء الله ولا عندي ولله الحمد لا سكر ولا ضغط..
انتهو من عشاهم وتجمعو حول :f يسولفون وما درو إلا
دردب بسط المعاميل
أفا أفا بسم الله عليك
ابوفلان أبو فلان ؟؟ما رد عليهم
وطاح الضيف وابطى لين رد عليهم وتنفسو هم بعد من روعة طيحته..
وش جاك يابو فلان ؟؟
قال :شكلي نمت وحلمت اني بربيع ونفل وبالحلم كنت أشم ريح الخزام وطحت :D:D
عاد هو مايبي يقول لهم انه جاب العيد وارتفع طبلون السكر كله لا يمنعونه وهو منحاش من البيت يبي يشخص يومين بالدهن والسمن والعسل بس شكله مهوب حاصل لأن ربعه فهموه وراحت عليه ..
تحياتي
اختكم
..قوافي..