جعل السحاب اللي قنوفه مراميس.... جعل السحاب اللي قنوفه مراميس يمطر على روحي ويسقي ضماها ويبل ريق اللي طوته الهواجيس يابعد رغبات النفوس وهواها مبطي عن علوم المطر والعواسيس والشدة لدار بعيد مداها والبرد والرقدةبخمسة برانيس ياحي طاريها ولذة دفاها يلعنك ياحظي ويلعنك يا ابليس هيضت روحي لين جاها بلاها ليت البشر ما يجرحون الاحاسيس أو ليت طيب الناس يغلب رداها أضيق من شوف المدن والدواعيس واقول ياحي السعة ما حلاها ودي ادوج بخايع ما بعد ديس قد مره سباع تدور عشاها البر بعيوني من الضيق تنفيس للروح من هم السنين وغثاها لاطرفت شمس العصر ياهل العيس شب الجروم اللي يدلك سناها مشتاق لاجواء الشتاء والنسانيس والسيل لاغطى البقاع وكساها واجمل عطر يسوى عطورات باريس ريح الحطب بثيابنا لاملاها |
الساعة الآن 05:11 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir