الفزعـــه يالطــوااريح
 

السلام عليكم ورحمه الله وبركااته


الموضوع واااضح


السنه شفت اكثر من 5 شوااهين قراانيس و2 تبووع قرانيس




طبعه جربه كل الطرق حسب خبرتي في الطيور


ونبي منكم الافااده



طبعاا الطيور موكره يعني 4 او 5 سنواات اشووفهن ولين اليوم



الطيوور تهد على الحماام البري القمري



الطرق الي استخدمتهااا



شكمت حماام قوي لدرجه انه يدق الطير في الحدييد الي هو فيه

ولا هد



جربت القمري الراعبي حطيتهن تحته ثنيتن في خيييط ولا حول


هديتهن هدد من بعيد ولا يهد

جربت الجربوع ولا شي فايده


جربت النقل والشبووط ولا شي فايده


مسيتهن وصبحتهن بدري ولا حياه




الطير الشبااااق ما اقدر اهده لقصر المسااافه بين وكر الطير ومحميات خااصه


وقد صاد احد الطيور وطرده طير ثاني ولاكن زبن وسط المحميه



وللعلم ما يمسن في الحديد (برقيات الكهربا)


يسرن لاماكن محميه


واشرط عليهن صيد القمري والكراوين والحباري شفتهن بعيني يصيدن


لدرجه اني حطيت بنج لكروان كان صايدنه شاهين ولا عود عليه




وش رايكم وش الحيله

والرزق على الله جو طوااريح من كل مكاان حتى من السعوديه ولاكن عودو بلادهم

والطيور مكانها هههههههههه

وطواريح معروفين


لدرجه اني امر على الطيور واسلم عليهن واتوكل

ادور على فرخ خبل غشيييم هههههههه




انتظر ردودكم ومشاركاااتكم