|
يالرفيق اللي وعدنا ثم قفا .:. طقتينـ ن في صليب الراس توجع بسم الله الرحمن الرحيم تحيه طيبه وعطره للجميع من شعراء ومتذوقين اليوم عندي قصه وقصيده تقول : فيه لي رفيق هاب ريح وعشير الغانمين شروى من يقرا واسمه فيصل وودي اقول اسمه كامل لانه يشرف من يذكره لكني بكتفي بذكر اسمه فقط فيصل ذا عزمني مرتين ونساني وهو مواقفه مع الناس طيبه وخدوم وانا اعذره بداخلي لو ظاهري شرهه لأن الناس كلها تبي منه خدمات واللي يبي منك ما يعذرك عاد انا يوم نساني مرتين قلت له تراي بلمسك بقصيده فقال طالبك طلبه فكني منك ولكن سبق السيف العذل وطلعت ذا الابيات وبغيناها شرهه وجت مدحه وتقول الابيات : يا الرفيـــق اللـي وعدنــا ثـم قفـــا طقتينـ ن في صليب الراس توْجِـع يشهــد الله مــا لنا فــ الاكل شفــا غير حبـّـ ن في طحاطيحـ ن تجَمّع واعــرف إنّ الحـرّ لا واعــدك وفـّـا العقيــــد اللــي إلا شِفّــع يشَـفّــع صيرميــ ن فدوتـــه تسعــين صفّــا طير حــّر ن لا حــداه الوقت شـلّـع من ســـلالة هــرجة اللي ما تهفـــا كلمتــه ميــزان تخفـض ذا وترْفَــع تخفض اللي عن فعول الطيب كفّـا وترفــع اللـي يستحـق إنّـه يــرَفّـع وانــت منتــب لا ردي ولا مخفّــــــا وكلمتـــك لا قلتهــــا دايـــم توقّــــع ذيبـــ ن أمعـط لا وعـــدنا دوم وفّــا واليــوم وضعك يا رفيقي ما يرقّـع |
| الساعة الآن 02:44 PM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir