كل عام والجميع بخير
 

يا الله يا خلاق دقه و جله
ياللي استوا عرشك علاسبع الاطباق

انت العظيم اللي له الامر كله
وانت الذي عندك تقاسيم الارزاق

البارحه ما هي من العمر لله
البارحه صدري علي والفضا ضاق

و سريت بين التايهه والمدله
ولاغمضت عيني سوى قبل الاشراق

اطوي شريط الفكر وارجع و افله
وطويه مره ثانيه وسط الاعماق

حتى لقيت الذاهبه و قلت خله
بين الرجا و الياس ينشفن الارياق

من يا من الدنيا تراها تحبله
كم واحدن في هالزمن للعهد باق

وكم فرقت ما بين خلن وخله
وكم واحدن في غيها ما بعد فاق

واللي بدابه من عنا الوقت خله
لا مقطع اعناق ولا معتق اعناق

اللي علومه ما تجي في محله
جعله على قطع المواثيق سباق

أزل الجبال و لا تزول الجبله
وبيت الكرم مبني علاحسن الاخلاق

ومن لا احتزم باهل الشرف والشكله
يمكن مع الايام يجلب للاسواق


حمود العرادي