منتدى استراحات زايد - صيد الجرجس بتاريخ 8/12/1433هـ

السلام عليكم ورحمة الله وبركاته

وأسعد الله أوقاتكم بكل خير وعافية

الحمد لله وفقنا اليوم بصيد طيب من الجرجس وجبنا حول 95 طبعاً الأجواء حلوه بحايل وهذا الصيد الله يطول بأعماركم من شمال حايل

وأحب أقول تسلم يمينك ياأبو مالك وبيض الله وجهك على الخوه الطيبه ومامن قصور بالرجال وبشروا من عندي

عاد الحين أتركم مع الصور وإعذروني والله على قلت التصوير ودقته بس حبيت والله أشاركم .

هذا الله يسلمكم عدده 70

العين ماتمل من شوفته ؛؛؛؛ والقلب يفز لاحل طاريه

وهذا الله يسلمكم كمالت الخمس والتسعين وعدده 25 طبعا هذا قبل المغرب بشوي بس الحمد لله وفقنا

ماشاء الله تبارك الرحمن هذا الشحم ياولد اللي يدسم شوارب الرجاجيل

وهذه لقطه أخرى بصمت وتأمل

اللهم لك الحمد الخير واجد بس عاد تخبرون الواحد يحط اللي يقدر ياكلوه بدون اسراف

أنا اخترت عشر والخوي عشر وحطينا زود ثلاث مجانيه

هنا قررنا أن تكون الدعوه شوي وخفافي والحمد لله

يسلام والله يجماعة الخير ما أحد يصدق أن الشحم ماهو مخلينا نشوي كل شوي وهو شاب النار

وهذا الدليل شوف اللهب وشلون

تسلم يمين أبو مالك عز الله خوش شويه

وفي ختام هذا التقرير أتمنى أني قد وفقت في ماطرحته لكم

وعدم التقصير وأنه نال على إعجابكم

لكم كل الشكر والتقدير على قرأت الموضوع والمشاركة به أو زيارته

وتقبلوا خالص تحياتي وإحترامي؛؛؛؛؛؛؛؛؛؛؛؛؛؛؛؛؛؛؛؛؛؛