منتدى استراحات زايد - اهتزاز في السيارة عند التغيير من الثالث الى الرابع قير اوتوماتيك

بسم الله الرحمن الرحيم

السلام عليكم ورحمة الله وبركاته

تحية طيبة اعضاء ومشرفين هذا المنتدى العملاق

العلم سلامتكم

انا رجال عندي باترول 2004 4800 تقلون له فتك عز الله انه فتك بي انا :D

المهم ياطوال الاعمار اذا يغير من النمرة الثالثة الي الرابعة سواء في وضع الاتوماتيك او العادي ترج السيارة حتى تشيل رجلك من على البنزين بعدها بيلقط النمرة

المشكلة ماهي دايمة لكن احيانا وتكون واضحه اكثر اذا انت طالع طلعه وتبي تغير السيارة من الثالث الى الرابع تجيك السيارة ترج رج ماهو طبيعي

فحصت السيارة مرتين كمبيوتر احد الورش متخصصين في القير قالوا عندك حساسين

سلونيد النمرة الرابعة و TPS قلنا بسيط

رحت وكالة نيسان اللي بابها وفحصوه برضه كمبيوتر وطلعت نفس ارقام الخطأ حقت الورشة الاوله

المهم طلعوا ابشركم فاهمين شويه قالوا قطعه واحدة

قيييير جدييد :eek: بس بـ 30000

روحت من عندهم ومريت كم من ورشة في صناعية الخميس وكل اعتذر عن تصليحه (بحكم عدم الاختصاص في قير الياباني) رحت لورشة قال يبغالك منظم قير لان الحساس اللي فيه عطلان رجعنا لورشتنا الاوله اللي قالوا حساسين وقلت لهم ماطلعت بنتيجة ماقصروا دلوني على القطع

ورحت استفسرت عنها بالوكالة قالوا الحساسات ماتجي لحالها لزم المنظم كامل و القطعه كامل اللي يركب فيها حساس TPS يقلون ان اسمها الرقبة

التكلفة طلعت بـ 10000 ريال صراحة مادخلت مخي شغلتهم هذه عشان حساسين لازم اشتري القطعه اللي تجي راكبه فيه كاملة

عموما يالربع ايش السوات هل الحساسات ذي تجي لحالها ولا زي ماقالوا لازم بعدتها

الخطأ اللي طلع

p1769 Hlp/C Sol Function

p1705 Tp Sen/Circuit A/T

بحثت في الانترنت ولقيت الحساس تبع القير في الصورة صفحه 233 اذا مافتح عليها الرابط

http://www.scribd.com/doc/38619127/1...outer_page_233

رقم 6

الخطأ الثاني تبع TPS صفحة 129
AT-130 DTC P1705 THROTTLE POSITION SENSOR
http://www.scribd.com/doc/38619127/AT#page=129

واظن له علاقة بالاول لكن شكله حساس لحاله حساس الثروتل لكن فيه اشارة الى الحساس الاول

الراي ياجماعة الخير مع ذا الحساسات هل تأتي لحالها ام لابد من دفع مبلغ وقدره عشان مشكلة بسيطه زي ذي :(

وهل اذا تركت اصلاحه يضر بعدين :confused:

تحية طيبة لكم