راكب اللي لا مشا مثل الجـلاوي **** من ديارن شايفن فيهـا غريمـه
كن لين الليل الاسود جاه ضـاوي **** وختلط سواد ليـل و رش ديمـه
و عتبرهـا فرصت العمر المـلاوي **** و السلامه يعتبرها اكبـر غنيمـه
و نهزم خايف و مطرود و رجـاوي **** ناصي اللي لاوصلّه زال ضيمـه
كن زقمه لا عطا الخبت الخـلاوي **** زقـم ذيبن منهزمله مـع خريمـه
لا بدا مع راس طعس و جاك هاوي **** كنه عقابـن موكـد له وليمـه
مقدمه مع موخره ماهو متسـاوي **** ونسيابـه للهواء معطيـه قيمـه
منوت اللي مثل أبو قايد هـواوي **** و الهواء مشروع و النيه سليمـه
ودك ان مـا يملكه بعض الضناوي **** امتلاك العفن للطيـب ضليمـه


رجعان سالم الحربي