منتدى استراحات زايد - قصة المثل سعيد اخو مبـارك

مثل ماتعرفون .. امثال البدو كثيره .. ومافيه موقف او مناسبة الا وله مثل اشتهر بين الناس .. بعضنا يعرف معناه وقصته.. وأكثرنا مايعرف ، ومن اشهر هذه الأمثال المثل اللي يقول ( سعيّد اوخي مبارك ) وبلهجة البدو ينطق سعيّد تصغير ل سعيد .. اوخي مبارك : اخو مبارك.. اكثر من كذا شرح مافيه http://mekshat.com/vb/images/smilies/Looking_anim.gif

وقصة هـ المثل يقول لك .. ان فيه واحد اسمه سعيّد ترك ديرته وسافر يدور رزقه .. وبعد ايام من السفر نزل عند اهل قرية .. قدّروه وضيفوه واكرموه .. ويوم شافو انه هادي وقليل كلام .. وشكله يوحي بأنه عاقل وفيه خير .. حبّوه ..وقالوا له انت تصلح لنا .. جابك الله .. نبيك تقعد عندنا وبنحطك امام المسجد وتعلم عيالنا القرآن .. مقابل مبلغ نجمعه لك كل شهر .... وش رايك؟ المهم وافق سعيّد على العرض مع انه لايقرا ولايكتب (درجhttp://mekshat.com/vb/images/smilies/grins.gif) .. وصار يصلي بهم في المسجد وبعد العصر يعلم الصغار ويدرسهم ومرت الايام وكل يوم يعجبون ب سعيّد اكثر واكثر لين صار المطوّع حقهم يفتي لهم ويملّك لعيالهم وبناتهم واذا صار بينهم مشاكل راحو له يحلّها .. واستمر على هالحال لين جاء واحد اسمه مبارك من نفس ديرة سعيّد ويعرفه زين لكنه متعلم وفاهم ;)... المهم دخل عليهم وقت صلاة والجماعة بالمسجد ينتظرون الامام .. جاء الشيخ سعيّد يصلي بهم كالعادة ...كبر وصلى ..وقرأ الفاتحة .. وقرا سوره بعدها بس هالسورة خلت مبارك ينهبل وطار عقله:confused: .. وش يقول ذا ؟ سعيّد يخربط (( اطعموا مطوعكم من لحم الدجاج .. وزوجوه البنت المغناج .. تدخلو الجنه افواجاً افواج )) قام يتنحنح مبارك ويستغفر ويتعوذ من الشيطان وسعيّد ما يرد عليه كمل قرايه وركع ..
في الركعة الثانية قال سعيد الحين وش يفكنا من العلة هذا من وين طلع لنا ؟ ما فيه طريقة الا اني اتفاهم معه بطريقتي .. ولا يعلم علي ويقطع رزقي .. قال (( اسكتوا ايها المتنحنحون ... فان الشرط اربعون .. لنا عشرون ولكم عشرون )) مبارك طقه الطمع .. فكر بالعرض وسكت .. (ياولد العشرين زينة) .. وصار سعيد اخو مبارك !! هذي قصة المثل ،، والى لقاء مع مثل جديد وقصة جديدة.. http://mekshat.com/vb/images/smilies/madd[1].gif

عطوني رباابه :D