منتدى استراحات زايد - آح من شي(ن) لجا بين الضلوع

بسم الله الرحمن الرحيم
وكل عام والجميع بخير

آح من شي(ن) لجا بين الضلوع
................وسط قلبي هو مقره مدهله

سر ما يبدى ولو عند النزوع
.............مغلق(ن) دونه قفول(ن) مقفله

لو توارى النور ولعنا الشموع
............كل فعل(ن) في محله نفعله

عاذلي يالابس(ن) شين الطبوع
.............كل قول(ن) منك راح المزبله

الكلام بلا دلايل ما يلوع
...........والرجل لا جاب هرج(ن) د للــه

مثل من يقني من ارخاص التبوع
.............والتبع معروف ماحد(ن) يجهله

قلت له سكتك ما فيها رجوع
............وان بغيت الدرب عسر(ن) فزهله

شايفن في جبهتك بعض اللسوع
............بس ماهي من سجود(ن) تعمله

العلامات ظهرت من ذا الخضوع
............ من يذل النفس يلقى البهذله

شاقني ما شاقني يوم الربوع
............. وامتطيت الجمس بعد البسمله

مقصدي بعد(ن) عن اصحاب الخنوع
...............عزت(ن) في النفس عيت تهمله

آل- بوهلال التميمي(احمد،ابوراكان)