منتدى استراحات زايد - من قصص وفاء الكلاب

السلام عليكم ورحمة الله وبركاته

وش رأيكم ياجماعة اننا نجمع جميع قصص وفاء الكلاب في هذا الموضوع لكي يكون لنا حصيلة كبيرة من وفاء هذا الحيوان
فبالامس سمعت قصة حقيقية يرويها صاحبي عن صاحبها
يقول صاحبها انه في يوم من الايام كان رايح لمزرعته في القصيم ولقى في الطريق كلبة مدعوسة وعندها جروين يقول فاخذت هالجروين وربيتهم عندي بالمزرعة وكبرن وصارن محبوبات عند عيالي وفي يوم من الايام كان عيالي وبناتي مجتمعين بالمزرعة وحنا انتغدى والا احد ا لكلبين يجي عندنا وينبح ويروح قلت لابد ان عند هالكلب علم روحوا شوفوا وش عنده ويوم لحقوه والا الكلب الثاني بالمسبح عاضن ثوب البنت الصغيرة ورافع راسها عن ا لماء وهي تصيح ولا يقدر يسحبها الى برا فعلشان كذا كان الكلب الثاني يجي عندنا وينبح يبي ينبهنا لما حصل والحمد لله ان معروفي للكلبين ما ضاع عبث انقذ بنتنا ولله الحمد
وانتم وش عندكم من القصص