منتدى استراحات زايد - سالفة:دلع عنزه..قوافي

http://t0.gstatic.com/images?q=tbn:A...47qsO7g64k5DMg
السلام عليكم ورحمة الله وبركاته
مشرفينا الافاضل
اخواني اخواتي زوارنا
صبحكم / مساكم الله بكل خير
سافر صديق للوالد وحط عندنا عنز صغيره لعياله كأمانه لين يجي ياخذها بعد أسبوعين ..
http://t3.gstatic.com/images?q=tbn:A...ixifaSegzgetE_
وبما أن العنز صغيره جت بكل اللي تحتاجه (حليب ،رضاعه ،:D فيتامين غنم ،فستانين والثالث عليها:p )
http://t0.gstatic.com/images?q=tbn:A...TLpPSBe47YtMUw

العنز ترضع باوقات وتنام عندهم داخل البيت وملبسينها فستان صغير وسلسال ابيض وصراحه كانت كشخه ..
فرحنا بالعنز وكل ما قالت :مئئئئئئئ خضينا لها ديد وعطيناها وكل من مر نقط من الفيتامين بخشتها همن تدلي تصفق براسه الجدار والعيون تدور وبدل القزازه ماتخلص بشهر قضت بثلاث ايام لكن الغريب انه ما جاها شي وبدت تتحول من عنز وديعه لعنز ( قربيعه)..
صارت تشرب حليب بالرضاعه عشرين مره باليوم وعيت تاكل وبدل الاسبوعين 3 شهور لين صارت ياله تمشي وكل ما تركناه عشان تاكل خلاص كبيره تصجنا :
بـــــــــــــــــــــــاء وتحول صوته ماعاد هوب مقبول قمه بالازعاج..
والمشكله ماتبي الحوش ولا تسكت بالليل إلا لين جبناه عندنا عاد عنز وريحه أستلم وين النوم مع العنز المتمرده والعطر الغنمي..
تسلطت علي نوبه بالليل وياطول هاك الليله:( عيت تهجد وما صدقت على الله اني غفيت شوي قبل نصبح ،وما دريت إلا اللي وجهه بوجهي وبااااااااااااااء
تميلح وتبي رضاعه:f
http://t1.gstatic.com/images?q=tbn:A...2EAOSCot0FalH2
قمت وقفت من شد الروعه وما حسيت إلا وإيدي بحلقه أحسبه جني وصارت تقول باه باه باه من شد الزنطه ويوم تركته ركضت على برا ولا عاد تحركت من الحوش وما أذن العصر إلا وهي ما كلةً العلف وانفطمت عن الديد ..
تحياتي
اختكم
..قوافي..