منتدى استراحات زايد - اطلب مشورتكم ..!!

السلام عليكم ورحمه الله وبركاته ..!!

ياخوان الكرام .. انا احد متابعينكم ولي زيارات كثيرة بالموقع واستفدت الكثير .. خصوصاً بالمخيمات ..

انا صارت لي سالفه اليــوم وتكفون ابي فزعتكــم .. واذا المنتدى ماهو مناسب اتمنى يحذف الموضوع وانسوووه .. :((

ياخوان مثل عارفين حنا مقبلين على ايام الشتاء .. ووقت الطلعات .. وانا اخذت تصـريـح مخيـــم في الثمــامه للإستفاده منه والتخييم فيه ..

والله العظيم تعرضنا لنصــب عيني عينك واكل بالباطل والحرام من شرطة الثمــامه واليمانيــه اللي فيه ..

اخذت التصريح وبديت وسورتها ووضعت المرابيع بـ (1500 ريال) والوحة برقم التصريح ووضعت خيمه وحده كبدايه بس مابنيتها .. تفجأة ان اليمني (الحارس) يسوق لتصريحي وكل يوم يتصل علي شخص يطلب بيع التصريح وانا ارفض ..!!

المهم لقيت اتصال من الشرطة اليوم وطالبوني بالحضور ..

حضرت وقالوا انت بتبيع تصريحك وهذي ارض للدولة وممنوع تبيع التصريح ..
لاحول لله ياخوان والله مابي ابيعها انا جايب خيمتي وجالس اشتغل بالخيام الباقية ..
قالوا اليمني هذا يقول انك بتبيعها .. المصيبه اليمني جحـد انه حارس عندي مع العلم انه مسجل لدى بملفي لدى شرطة الثمامة ومعاي صورة من إقامته ..

قالوا توقع على اخلاء الارض وتشيل خيمتك ومرابيعك . تطفيش في تطفيش
قلت انا ارفض هالشيء قالوا تدخل الان التوقيف وتتحول الى المحكمة الادارية وانا عندي عايلة ومسؤول عن اطفال .. وقسم بالله وقعت بالغصب ..
قالوا لي جيب لك اخو او قريب ننقل الترخيص بأسمه .. المهم اتصلت على اخوي وقلت جيب خطاب تعريف .. وهو جاي بالطريق واكلم العسكري قلت ترى اخوي جاي وابيكم تنقلوه بأسمه قال خلاص الترخيص راح عليك ..
قلت المسألة فيها واسطه والاكل بالباطل وشلون يروح الترخيص وانا واقف عندك مارحت ولا احد دخل عندك .. قل اطلع لادخلك التوقيف ..!!

حسبي الله ونعم الوكيل
حسبي الله ونعم الوكيل
حسبي الله ونعم الوكيل

اسأل الله رب العرش العظيم ان يجعل كيدهم في نحرهم وان لايصل هذا العسكري لأهله الا وهو في سيارة الموتى .. اسال الله العظيم ان لايبارك له في راتبه ولا اهله ولا اولاده ..
وانيبتلى في مرضً عضال لايجد له شفاء .. واقسم بالله راح ادعي عليه بكل سجود ..

مشكورتكم ياخوان ..!!

اقسم بالله نحن في لسنى في دولة تاخذ الحق وتنصر المظلوم ..

حسبي الله ونعم الوكيل
حسبي الله ونعم الوكيل

العذر والسموحه .. كتبته على عجل ..

كل الاحداث اليوم .. الاحد 28/11/1433