يارب عاافني
 

انا عارفة ان موقعكم ماهوب عيادة طبية لكن اتأمل اني الاقي من يساعدني
في البحث عن دكتور ممتاز لامراض الجهاز الهضمي
مشكلتي بدت من 18 سنة

كانت زي التخمة
رحت لكل الاطباء الشعبيين ورقية شرعية وحتى الكي جربته :(
مافيه عيادة باطنية واستشاري باطنية الا مامريت عليه
سويت منظار مرتين قالو ا لي تقرحات في جدار المعدة
ومعاااي قولون مزمن
وانتفاخ
اكلي دائما شبه حمية وحالتي مايعلم بها الا الله واشكوا اليه هذه الالام اللتي عجز فيها الطب

وزني بدأ ينحف تدريجي اللي شافوني قبل 5 سنين مايصدقوني الان وكل سنة انحف اكثر

تعبت نفسيتي جدا جدا ولا اعلم سبب هذا الضعف في بنيتي
اخذت فاتح شهية (( مسيقور )) قبل سبع سنوات وكان اول مرة استعمله
والحمد لله مشا الحال معي وزاد وزني 10 كيلوا واخذتها لمدة سنة ولما تركتها عااد جسمي للضعف
فقدت شهيتي بالمرة

وبعد 3 سنوات جربت ارجع لها وماتقبلها جسمي نهائي كل ماكلتها صابتني تقلصات في الامعاء ومغص شدييييييييييييد
وكل كرتون اشتريه اخذ منه حبه واجرب ابغاها ترجعني مثل قبل لكن فيه شيء اقوى مني
ومنها والله اعلم ايش هو

قررت اني اتحمل الام المعدة وانسى فواتح الشهية واعيش على البركة ان اشتهيت اكلت
وان ماشتهيت عادي الامر كلو زي بعضه محد بيموت قبل يومه :(

استمريت على وضعي هذا سنوات وقررت اروح دكتور لعام الماضي
شخص حالتي قال انتي تفكرين كثير وهذا تعب معدتك وخلى الاكل مايجيب مفعول في جسمك

قال الحل الامثل لك حمية + حبوب ليبراكس تهدئ القولون العصبي عندك

توكلت على الله وبديت برنامجي وخلصت علبة ليبراكس وحسيت اني مرتاحة عليها

وشريت منها 4 علب من خارج السعودية لانها ماتنباع عندنا
ونفس العلبة والحجم ولكن تدرون وش المصيبة الثانية

جسمي ماعاد تقبلها :( :( :
اكلتها ومغصني بطني وصار شد في الامعاء والاااااااالم حتى اني شكيت في تعبئتها

ووديتها للدكتور وشافها قال تمام مافيها اي مشكلة المشكلة فيك انتي

وقفت علاجي مع الدكتور مع نوع من الاحباط صابني
الحين ابي دكتور يقول وش معي بالضبط ؟
يعطيني علاج يفحصني فحص شامل
يشوف سبب نقصان الوزن الفضيع
يشوف سبب فقدان الشهية
ابي ارجع لطبيعتي وحياتي قبل 18 سنة

بدفع عمري كله بس شلووووووووووووون

ادعوا لي ان عافيتي ترجع لي