|
يالله ياللي له صلاتي وصومي يالله ياللي له صلاتي وصومـــــي × الواحد اللي لاعطا مايسالي منشي مزونن بالسما له خشومي× مخايلن تشدي خشوم الجبالي مخيلتن وتعد عنها العلــومــــي × ترهب مخيلتها بردم الخيالي حطت على قاع غبرها يعومي × واديه له حولين ماقيل سالي وأنا أحمد الله ساقها بالوسومي × بـ (مح ) الثريا سيلها يوم سالي تلاطمت ريضانها للحـــــــــزومي × من رادها يعد عنها الهوالي من غبها ترعى الضعن بالحزومي × متساوين نبته بروضن وجالي وتلقا الزبيدي فوقه العشب يومي × متفطرن غذاه وبل الخيالي ياما حلا شوفه يزيل الهمومي × بأرضن قفر محدن وطابه وعالي الله على خلقه غفورن رحومي ×كم به ضعيفن صار له راس مالي ويالله عساها كل عامن تدومي × خضرا وخبرا ياعزيز الجلالي وصلاة ربي عد وبل الغيومي × على النبي وعداد رمل السهالي وسلامتكم أشتاء الشمال |
| الساعة الآن 07:11 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir