منتدى استراحات زايد - ((ثوره قلب)) ارحل //بقلمي زياد السنباني

في ظل الثورات العربيه !!

((ثورة حـــب ..... إرحـــل !؟))

بقلمي // زياد احمد السنباني

مع السلامه وربي سيدي يرعاك

ما عاد لي روح تتحمل وقلبي مل

ما عاد لك شي فيني والذي سوّاك

وما عاد لك حب أو تقدير مثل أول

من عشت له بالجفا لابد ما ينساك

والورده ان ما سقيت عروقها تذبل

يا ليتك تشوف نفسك بس ((ما أقساك))

وتعرف اللي تغير فيك واتبدل

مع السلامه وخذ كل الجروح معاك

مابه لمن مات احساسه وقلبه حل

************************

يا قلب وش فيك واقف محتضن ذكراك

امشي حبيبي ترى بعده زمان أجمل

خلّه ... وله وقت يشتاقك ويتمناك

ويقول من حسرته ((يرحم زمان أول))

من باع ذاته ترى ما يشتري دنياك

ومن خان... ما يستحق انك عليه تزعل

ومن قال ((فرقاك سهله)) وابتدا فرقاك

من دون تفكير قله (( فرقتك أسهل))

****************

يا سيدي غيب وارحل وابتعد بــ ((رجاك))

صعبه لمن طبعه النكران يتعدل

كم جيت ((محتاج لي)) ..((ولقيتني وياك))

ويوم ما جيت محتاجك معي ... تبخل

وأنا الذي كم تحملت الألم ((لرضاك))

تخطي واجي معتذر ... تتجاهل وأسأل

أبكي .. واخبي دموعي خوف من رؤياك

أضحك .. واداري جروحي منك واتحمّل

ولّــــيــتــك احساسي وظلمت من ولّاك

كفاك يا حاكم احساسي خلاص ((إرحـــــــــل))

تحياتي للجميع // زياد السنباني