منتدى استراحات زايد - خليتك انتي كل شي ... بقلمي / زياد السنباني

خليتك انتي كل سي // بقلمي ((زياد السنباني))

شاب الورق من يوم غبتي ... وانحنى ظهر القلم

واشتعل راس الزمن بالشيب ... شوق لجيتِك

وتبعثرت أيام لجـــــلك كلها حسره وهــــم

لا هي اقدرت لحظه تنسيني ولا هي جابتِك

كل الجروح تـوفــقــت بأوقات نستها الألم

إلا جروحي كلما النسيان جاني .... خبتِك !!

هذي الحقيقه والهوى غلّاب...ووجودي عدم

تايه بدونك كل همي ((ليه طالت غيبتِك؟))

صعبه ألــمــلــم حسرتي وارمي الأماني للندم

والأصعب ألقى شــامـــت(ن) ويقول ((وين حبيبتِك؟!))

وأنا الوحيد اللي جرحتي كبرياءه...وابتسم

وانا وبس اللي مسح يوم انقهرتي دمعتِك

وانا الوحيد اللي طلبتي المستحيل وقال تـــم

وانا وبس اللي جرحتيه وجروحه حبتِك

حنيت لك واشتقت لك يا جرحي اللي ما التئـــم

حنيت لما ذبت لكن ... ما بدت حنيتِك

ما قلت لك في يوم (لا) .. وانتي ولا قلتي (نعم)

يا كثر طيبه قسوتي ويا كثر قسوة طيبتِك

خليتك انتي كل شي ... (نفسي) و(خصمي) و(الحكم)

ورضيت ظلمك قبل حكمك دام هذي رغبتِك

راح العمر ... ما همّني لو راح .... لكن الأهم

مقدرت أنسى فيه يا ((بنت الرياض)) محبتِك

تقديري للجميع // زياد أحمد السنباني