منتدى استراحات زايد - حداق بريطاني

السلام عليكم ورحمة الله وبركاته

تحياتي لكم شباب مكشات --- اشتقنا لكم !

اخوكم الان في بريطانيا وصارلي فترة من وصلت وانا ادور لي فرصة اتزفر..

رحت محل العدة اللي يم البيت.. ودلوني على واحد يرتب رحلات.. عده وييم وتراخيص.. ومواصلات!

نفس الشخص طلعت معاه طلعة لفاح ما كانت جدا موفقه.. بس الاجواء والطبيعة شي يوسع الصدر..

عاد "ويليام" قالي انا بطلعك طلعة تعويضيه..

وهذا اللي صار امس..

من الصبح رحنا مكان يبعد عن البيت نص ساعة بالسيارة... وكان النظام حداق طفاحي محاياه...

والييم نحدقه طفاحي بقصبة وميدار ما ينشاف.. والييم دود فرش يلبط!!

http://i1092.photobucket.com/albums/...8AB5F57E66.jpg

طبعا هالدود ينشرى.. احنا نعرفه هالدود.. ايام محابل الطيور... خابره اصفر انا... بس هم يحطون معاه نشارة خشب باي لون والدود ياكله ويصير نفس اللون..!!

الييم تقريبا اي نوع من السمك الصغير.. اهم شي لا يتعدى 8 سم.. هذا المقاس الذهبي..

هالنوع اسمه بليك Bleak سبحان الله الصفط (القشور) فيه لمعه عجيبه... ةعلى كلام "ويليام" ان قشور هالنوع من السمك كانت تستعمل في صناعة الحلي والزينه في العصور الوسطى

http://i1092.photobucket.com/albums/...8ABE3033EC.jpg

وهذا النوع اسمه روتش Roach هذي من افضل الطعوم..

http://i1092.photobucket.com/albums/...8AB9EB477D.jpg

المهم كانت الطريقة بس نصيد الييمه نشكها ونشوح..

وهذا المنظر العام للمكان...

http://i1092.photobucket.com/albums/...8ACBB14CC1.jpg

http://i1092.photobucket.com/albums/...8AC65F3C67.jpg

في انتظار المغطه

http://i1092.photobucket.com/albums/...8AC18C8B29.jpg

فجأه اختفت الطفاحية وطار الخيط... يا جماعة الخيط 12 LB يعني شعر مقاسه شي وعشرين!! واللي ماغط الخيط شي عود... المهم بالتوجيهات من "ويليام" خطوة خطوة موادع احترافي وقدرت اقرب السمجه ولا هذا المتيح!! هالنوع اسمه "بايك" Pike ويعتبر رقم واحد بين السمك المفترس في الانهار والبحيرات.. شرس جدا وما يهاب البشر...

http://i1092.photobucket.com/albums/...8AD80C9E39.jpg

عاد هذا داخل فمه امواس ودبابيس ومسامير مالله به عليم!! شلون ربي قدرنا نوصله على خيط مثل الشعره.. الله اعلم..!! محترف هالوليام!

عاد مو هذا الوحيد اللي طلعته.. طلعنا غيره 4.. بس هذا الوحيد اللي تصور وهو اكبرهم!

عاد واحنا قاعدين ولا اشوف لوبستر نهري يتهاوش مع صاحبه.. جان اخمط اليزة واسحب واحد فيهم اتطمش عليه...

http://i1092.photobucket.com/albums/...8AA6E79914.jpg

كنت برجعه .. جان يقولي ويليام "ممنــــــوع" وفيها غرامة :eek:

شرح لي ان هالنوع من اللوبستر اسمه Red Light Crayfish وتم احضاره من امريكا وقام بالقضاء على جميع الانواع المحلية من اللوبستر.. ولهالسبب تم اعتباره نوع دخيل ولا يسمح بارجاعه للنهر لو تم صيده.. يا تاخذه تاكله او تذبحه.. وحتى ممنوع تتركه جنب النهر..

http://i1092.photobucket.com/albums/...8AA1FCEF97.jpg

ويسلم راسكم وتعيشون.. وتقبلوا تحياتي..

اخوكم

مخلد المطيري