هل مكينة الربع 2013 تايوتا بريمي فيه هالمشكله ؟؟
 

السلام عليكم ورحمته وبركاته
انا ناوي ان شالله على ربع تايوتا 2013 لكن هالمشكله ذي موجوده فيه ياليت احد يفيدني:mad:

منقول

هاذى واحد في موقع تويوتا حصلت له المشكلة ( العضو رمادي )

السلام عليكم ورحمة الله وبركاته .
انذرني احد الاخوه يقول ان كل جيوب تويوتا ومن ضمنهم
ربع وحوض( من موديل 2010 الى 2012 ) واف جي ( 2007 و 2008 و 2009 ) ما عندي خلفيه عن الموديلات الجديده . وفورشنر فيه مسمار بثلاجة مكينه السياره .
وانا ما اعطيت الموضوع اي اهتمام ( وماكنت اصدق بمثل هالكلام ) .
لين قدر الله علي وانا امشي بالسياره ( فجأه سمعت صوت طقطقه بالمكينه
وعلطول وقفت السياره وبسطحه على ورشه من ورشات الرياض .
المهم قالي صاحب الورشه توضيب كامل للمكينه .
وشفت عنده اف جي يوضب وسألته كم كلف عليه الشغل كامل قال بحدود ( 7500 ريال ) .
المهم قلتله لا تحرك الموتر ولا تشغله .
واتصلت على صاحبي اللي انذرني ( وقال هذا المسمار اللي قلتلك عليه ووصفلي ورشه بالقصيم ) .
وعطاني الوصف ورقم الورشه الله يجزاه الف خير .
وحملت السياره على سطحه وعلطول للقصيم .
واول ما وصلت هناك سألني حركت السياره ؟ قلت له لا .
المهم قال حنا بنسوي اللي علينا وبنحاول نطلع المسمار .
والحمدلله كلفت علي الشغله 750 ريال وتم تدارك الوضع يقول لو انك ماشي عليه ( قل للمكينه وداعًا ) .
والحمدلله رجعت على وضعه الطبيعي .
وكان معي واحد هو اللي جابني للقصيم الله يجزاه خير ومعه ربع 2010 .
وقال لصاحب الورشه ابي اشيل المسمار وشاله كان مرتخي على الطرف وكله ايام ويطيح داخل المكينه !
كلفت عليه الشغله ( 170 ريال ) .

وهذي صور مسمار الثلاجه اللي طلعتها ولله الحمد .

http://im29.gulfup.com/2012-09-05/1346793358543.jpg

http://im29.gulfup.com/2012-09-05/1346793358941.jpg

http://im29.gulfup.com/2012-09-05/1346793358192.jpg





لاحظو الصوره الاخيره الطرف الاسود مكسور والمسمار اللي يمسكه وهذا اللي طاح داخل مكينة موتري .



ختاما : ارجوا انكم تاخذون الموضوع على محمل الجد ( قبل لا يوقع الفاس بالراس )
المسمار ماله اي فايده ( ويقول راعي الورشه انها فعلت فاعل ) اللهم هل بلغت اللهم فأشهد