بسم الله الرحمن الرحيم
السلام عليكم و رحمة الله

اخواني اليوم جايب لكم سالفه حصلت معي امس في المدعى
السالفه بسلامتكم اتصل علي واحد من الشباب اشترى شيهانه جديده و يبغى يهدها و يشوف هددها

الرجال اشترى الطير على انه مدرب و يلعب على الملواح لكن المفاجئة كانت ان الطير باقي وحش ما تدرب :eek: و لا يعرف الحمام ابدا و لا يرغبها

المهم روحت الشيهانه بعد ماحذفنا الحمام اللي معنا كله و عيت تحول و كانت كل مالها تعلي فوق وربك ساق لها عقاب نازل من السماء يبغى الحمام وهي تحول على العمدان حقت الكهرباء و مشينا وراها لحد ما وقعت على غرفه مهجوره

المصيبه يا اخوان جانا واحد شافنا يوم نلحقها على الخط حق الكهرباء رجال شايب و قانص الزريق معه و الشبك معه وجاهز
قال (يا عيال هذا ماهو طير اللي تلحقونه ):mad:
و الله يا شباب الاعمى يعرفها انها شيهانه تطير منخفضه ومن عمود لعمود
قلت له متاكد : انها ماهي شيهانه
قال : ماهي طير هذي
قلت له : هذي طيرة الرجال تنكرت عليه وهذا هو صاحبها

الرجال وجهه قمط وحطها بالاول و مشى

انا ما اسغربت هذا التصرف اللي خلاني اكتب الموضوع ان الرجل هذا شايب لحيته بيضاء
اعوذ بالله من الحسد
ابشركم الطيره عقلها الله و طرحنها بسمانه مثقله
و خوينا اتصل على اللي شرها منه و بيتفاهم معه امكن يرجعها و امكن يدهلها



و اترك لكم التعليق