غزل ....ايوالله اني كل ماروق البال واقفيت من ضيق الصدر للرحابه
 

السلام عليكم
مساء/صباح الخير اخواني اعضاء وزوار موقع مكشات هذه قصيده اعرضها عليكم ايضا وذلك لما وجدته في هذا المنتدى من ارتياح وفائده اتمنى ان تنال رضاكم اترككم مع القصيده وشكرا



#poem_5068a7b3c04d6 td {font-family: Tahoma, Verdana, Arial, Helvetica, sans-serif;font-size: medium;font-weight: bold;} ايوالله اني كل ماروق البال واقفيت من ظيق الصدر للرحابه طرالي اللي صار للقلب غربال وعود على قلبي وجدد صوابه اللي على فرقاه جريت موال وعويت بالموال عوي الربابه عقبه غدا قلبي للاحزان مدهال والياضوى الهاجوس سج وسراب كان المواصل حي بقفاي واقبال بيني وبينه والنوايا تشابه مابيني وبينه سوى اللبس والشال وزود(ن)على لبسه وشاله حجابه مصيونتن ماهيب لاهل الخنى فال ولاهي بصيده للردي والزلابه من ماكر(ن)يضفي بها ستر واضلال منبع صعاصيع الوفى والمهابه ليت الزمان اللي جمعني بها طال اوليته يرد الخبر ويش صابه غاب وتركني والامل فيه مازال اصنع له اعذاره وابرر غيابه يمكنن له عذر(ن)يداوبه الحال ولابد من يومن يجيني جوابه ومرت سنه وانا من هلال لهلال اقفل ابواب الامل والرجابه واقنب قنيب اللي عوى واردف الجال بعواه واصبح ماسقى الدم نابه في قلبي الضيقه من الجال للجال وفي عيني من الدمع وبل السحابه لكني اخفيها على كل محتال اللي على الزلات نووخ ركابه راع الردى ماله على القلب مدهال بينه وبين القلب قفله وبابه يقلط على مبهم علومي ويشتال عفشه وهو مني خلي(ن)زهابه

وسلامتكم