مربط رسول ومدح الناس له
 

السلام عليكم ورحمة الله وبركاته.
كيف حالكم جميعا.
اعذروني لو قيست شوي لكن الحقيقه وكلن يذكر ماواجه. انا صراحه من فتره وانا اسمع عن هالمربط اللي سمعته بجميع دول الخليج وكنت اتمنى اربط عنده طير من كثر ما سمعته من اهتمام وعنايه بالطير. وصراحه قدر الله علي وربط عنده السنه هذي طيرين حر وشاهين تفريخ وكنت واثق كل الثقه بالمربط وفي نص الربطه كلمه اخوي يسال عن الطير مع العلم انه يستفسر بين فتره وفتره لكن في نص الربطه دقه عليه صدفه قاله مريضااطير مات وش السبب مريض الطير قال ابد عشيته وبعد فتره جيته حصلت ميت مع العلم انه ميت له يومين ولا بلغنا قلت قدر الله وما شاء فعل وهذا مكتوب والعوض بالشاهين اللي كل سنه تحذف امواسها 25/ 9 وكل ما اتصل عليه اخوي يقول باقي عليها ثنتين ويقول الثوالث قاطتهن باخر شهر سته لين جاء قبل اسبوعين قال لاخوي الشاهين حذفت النوايف ويوم جاء قبل ثلاث ايام ويروح اخوي يجيبها والمصيبه وانه يوم جاء يشيله وتكفخ وتحذف وحده من نوايفها ويجيبها بالليل ويوم قلبناها الا ريش العام مالي ظهرها وامحق قرناس ولا والثالثه ناقصه بشوي عن الرابع والعمد ناقص عن الريش اللي تحته بواجد يعني ااشاهين مافيها رجا مقناص الا متاخر. يعني بالعربي الطيور جايها اهمال وقل علف والسبب تاخرها بالحذف وقصر الريش . ويمكن الطير اللي مات بعد بنفس السبب.
ياليت اللي مرت عليه نفس المشكله يشاركنا بالراي عشان مانكون صيده سهله بيدين هالناس.
واعذروني على الاطاله .
ومشكور كل من شاركنا ×