منتدى استراحات زايد - وين أهل الجمس وين أهل الخبرة يدخلوا ويدلوا بدلوهم ودعواتي لهم

السلام عليكم ورحمه الله
بدخل في الموضوع سيدة
كنت في الرياض قبل يومين ورحت يم حراج السيارات ( الشفا)
وتطيح عيني على هالجمس وعجبني بصراحه انة كبيييير
انا راعي طلعات وبحر وعزبة وبلاوي كثير معي وسيارتي كامري
وكل طلعة ينقص علية شي من اغراضي
المهم اشتريتة والموتر طلع نظيف مررررة من فضل الله
قير اتوماتيك وقوي ومكينة مية مية
بس اني محتار في كذا شغلة اتمنى القى جوابها عندكم ياأهل الخبرة

هاذي السيارة يمديني اروح فيها للبر؟؟؟(خايف اغرز واروح فيها)؟؟؟
وهل بأمكاني اسافر عليها الى مكه والرياض وتبوك ... انا في الجبيل؟؟؟
واذا شغلت المكيف ترتفع الحرارة شوي ... في طريقة لهــ المشكلة؟؟؟
اكثر شي مزعلني في هالسيارة صوت الهواء مع ان الناس يقولوا الجمس مافية
صوت للهواء وانت بالخط وانا اسمع رياح وعواصف داخل السيارة
ياليت اللي يفهم بهالمواتر يعطيني العلم الزين
تحياتي للجميع

http://img222.imagevenue.com/loc243/..._123_243lo.jpg http://img156.imagevenue.com/loc809/..._123_809lo.jpg
http://img132.imagevenue.com/loc880/..._123_880lo.jpg http://img254.imagevenue.com/loc38/t...1_123_38lo.jpg
http://img222.imagevenue.com/loc51/t...2_123_51lo.jpg http://img212.imagevenue.com/loc493/..._123_493lo.jpg