منتدى استراحات زايد - فيروز.. اديش كان في ناس عالمفرق تنطر ناس.. اجت قذيفة وجابت اجلهن.....

رسالة من مواطن سوري الى فيروز.......

عزيزتي فيروز.. بحبك كتير ...بــــس ..
هالسيارة مش عم تمشي.... لأنو ماضل معنا حق بنزين....
والقهوة اللي عالمفرق سكرّت. و صرفت الشغّيلة..
وأديش كان في ناس عالمفرق تنطر ناس؟؟... اجت قذيفه وجابت أجلهن..
ووقت اللي سألت حبيبي لوين رايحين؟؟.
قـالّتلي تروح روحك وين بدنا نروح بزخ الرصاص والدج والبم..

وجوزها لأم سليمان ما طلع عم ياكل رمان بالحقلة... طلع مخطوف...
وأم سليمان باعت اللي فوقها واللي تحتها لحت تطالعو وتدفع المعلوم..

و بعد ما ضاع شادي..... استشهد جورج وأحمد وعلي وطوني واسماعيل

لذا .. أنا قررت آخد هالناي وغني... بلكي هالعالم يصحى بقى...
و يتذكر أنو سوا ربينا......
برأيكم أنا صوتي مسمووووع
الله يحفظك سوريتي

مشاركة آية العلي