أكذب عليك ان قلت ماني بمشتاق...
وأكذب عليك ان قلت حبك نسيته*


خل الكلام اللي طعن صمت الأوراق...
يحكي لك اللي ما نطقت وحكيته*

ناظر عيوني شوف تأثير الأشواق...
شوف الفرح وشلون بعدك جفيته*

كتفي يشيل من الزمن فوق ما طاق...
والضيق يرضابي وأنا مارضيته*

الى متى وأنا أنتظر لحظه اشراق...
الى متى والحزن هالقلب بيته*

الى متى والهم ينحت بالأعماق...
واسقيه من فراقك دمع بكيته*

ياصاحبي شف خاطري ما بعد راق...
بنفس الطريق اللي انتهى وابتديته*

ضاق الزمان وكل شي بعدك ضاق...
حتى القصيد اللي بصدري احتويته*

عمر الشعر ما ضيق صدور الأوراق...
الضيق ضيقي لاكتبت وقريته*

تعبت أجمع ما بقالي من أشوااق...
وأقول ليت الوقت يفهم ياليته*

ياقو قلبك وانت محرقني احراق
ارفق بحال اللي ذكرك ونسيته*

تدري عزاي ان حدك القلب تشتاق...
دور علي بكل درب مشيته*

يمكن تلاقي درب بدروب الفراق...
يجوز ربي كاتبه واهتديته*

ومدام ربي في يده قسم الأرزاق
أنا أقتنعت بما كتبه ورضيته