|
هل يزعج أهلك جلوسك الطويل على النت؟؟ موضوع احب اتناقش به معكم ويمكن الكل يواجهه ويعاني منه وهو كيف تواجه او تواجهين تعليقات الاهل والناس حول جلوسك على النت؟؟ - البعض يعبره تفاهه - والبعض الاخر يعتبره منافي للاخلاق ويكون هذا بنظرتهم لك وحتى لو لم يقولوا اي شئ - والبعض ايضاً يعتقد ان الوقت الذى تجلسين فيه على النت من حقهم هم وانك مقصره في حقهم مع انك تكونين عامله توازن بين العباده والاهل والواجبات الاجتماعيه .. - وفيه ناس تكره النت لمجرد الكره بدون ماتعرف مايخبي وانه مثل مافيه مضر أكيد فيه مفيد.. * طيب ليش هالنظره السلبيه للنت ومن يجلس عليه؟! * وهل فعلا جلوسك على النت يأثر على حياتك؟! * وهل من المفروض انك تقدمين تقرير للناس عن تصرفاتك وتبرر لكل تصرف تقوم فيه وتشرح انك مو على غلط وانك ماتسوي شي غلط بجلوسك على النت؟ حبيت اطرح هالموضوع واشوف آرائكم وحلولكم ,, هل تشعر ان جلوسك فعلا مشكلة ؟ |
ممدري بس ما يعيبهم واايد بس معاهم حق بالنهايه |
انا بقولج هيه الاهل يحسوون بتقصصصير انه ليش ما تقعدي وياهم وجي مثل ما انه لج وقت حق الانترنت لج وقت حقهم مو لازم تقعدين وايد عليه اذا عندج شي مهم بطلي ما عندج ليش اتمين طول الوقت عليه تبيت اتشوفين شو صاير بلمنتدى او جي تكتبين موضوع ما يخذ من اكثر من 20 دقييقه يعني لازم اتنظميم وقتج بنهايه اهلج لازم تقعدين وياهم وهييك هههههه انزييين وجي اشك انكم فهمتي تسلمين ع الموضوع الرائع والسموحه |
" السلام عليج خيتي .. منوره القسم بطلتج , شحـآلج \ عساج بخيــر ؟! , همم لني من محبين النقاش قلت ارفس الباب وادخل ههه ادش فالنقاش ع طول .. هل يزعج أهلك جلوسك الطويل على النت؟؟ - عن نفسسي يالله فالاسبوع مره او مرتين ادخل النت .. - ماشاءالله اختي مبركنه ع النت , ههه بس ابد ما شوف اي ردة فعل من أهلي !* , * طيب ليش هالنظره السلبيه للنت ومن يجلس عليه؟! - همم , يمكن الاهل ينزعجون من الفتره الطويله اللي يلسون عيالهم عليه ! * وهل فعلا جلوسك على النت يأثر على حياتك؟! - طبعاً هيه اذا ككنتي مدمنة نت ! * وهل من المفروض انك تقدمين تقرير للناس عن تصرفاتك وتبرر لكل تصرف تقوم فيه وتشرح انك مو على غلط وانك ماتسوي شي غلط بجلوسك على النت؟ - اذا في حد معارض من اللي حوليه اكيد ببرر له وبفهمـه .. , هل تشعر ان جلوسك فعلا مشكلة ؟ - بنسبه لي .. لا ! لني مش من اللي ع النت 24 ساعه ! , سلمتي خيتي ع الطرح لاخلا ولا عدم |
عن نفسسي اغلب شغلي على النت ومنو بهالزمن يرووم يستغني عن اليلسه عالنت سواء ع الفوون او الايباد او الآب ووغيره من الاجهزه اصبح النت بعالمنا شي مهم من المعلومات المفيده والتسليه عند البعض وانا اهلي صراحه يتضايقوو شووي لاني ما اعطيهم حقهم فاليلسه والسوااالف وجي فديتهم بس اكيد اسوي لهم تعويض بالاجاازه لحد مايطفروو مني هههههه واكيد يآثر جسديآ ونفسيآآ وصحيآآ ع الشخص اللي يجلس عليه سواء ع النظر او نفسيآآ من خلال تواصله مع اصدقاءه ويسمع سوالف تضيق الخلق او جسديآآ من طريقه الجلووس الطويله من غير مايتحرك وووالخ من الاموور يعني الواحد منا لازم يسووي كنتروول ويوازن مابين اليلسه ع النت والراحه ويشغل نفسه بامور ثانيه غير الادوات الالكترونيه .. يسلمو ع الموضوع |
| الساعة الآن 09:19 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir