السلام عليكم ورحمه الله وبركاته

اول شي وقبل نبدا بالسالفه ودي تطمنوني عن الغالي علي و على الجميع الشاعر الخلوق والرجل بما تعنيه الكلمه- ال رايق - ابو مهند - الله يحفظه من كل شر ونا تراي الا حبيت فظيحه هههههه

ارجو من الله العلي القدير ان يكون بصحه تامه الله يسعد قلبه في الدارين ويوفقه وين ما يكون

شي في قلبي وطلع

نجي يالغالين للسالفه

اذكر من اكثر من 45 سنه كنت اروح مع ابوي جعله للجنه وكل ومسلم نحش صبط من نفود السر

الي يجي غربي شقراء وكنا نطلع انا وياه لحالنا بعد صلاه الفجر مباشره ومعنا الشمله والشمله شبيهه بشكل كبير بشبكه كوره القدم ونسميها باالشمله الا حشينا السبط نجمعه فيها المهم كنا نمر من عند اماكن جلوس ناس يعني ما فيه الا الاثر فقط ثمن يقولي ابوي هذولي الي كانو جالسين في هذا المكان قحاطين او يقولي هذولي عتبان او اي قبيله كانت معروفه في نجد يعرف اثرهم الوالد قولو وشلون يعرف اقول لكم يعرفهم من طريقه رمي العبس او النوا حق التمر

يعني القحاطين يرمون العبس من خلفهم

والعتبان يرمون العبس من امامهم

وبعض القبائل يرمون العبس عن يسارهم

وبعض القبائل يرمون العبس عن يمينهم

وبعض القبائل يرمون العبس في وسط مجلسهم

وهذا شي سبحان الله العظيم فيه العجب العجاب يعني شي فطري لا يتصنعه احد

وربما هذي السالفه لم يسمع بها احد ولا كن اسئلو شيبانكم عنها وسوف يذكرونها

تدرون وشلون ذكرت السالفه لاني جيت مصلي الفجر وجلس اتقهوا واكل تمر وهوجس رايح بعيد مره ونا الي اقوم ودلي اجدع العبس من وراي من غير ادراك لشرود الفكر
وتذكرت ابوي وكلامه جعله للجنه وكل مسلم
وقلت اوسع صدوركم بها جعلها ما تظيق من شر

والله المستعان على كل شي