قنصت في دار(ن) ورى الشيخ مسكين بسم الله الرحمن الرحيم السلام عليكم ورحمة الله وبركاته اقدم لكم هذه القصيدة واتمنى ان تنال اعجابكم ..... ياصـــــاحبي والهرج كلــــــه نياشيـــن تطرى علـــى قضاب بعـــض الطــواري قنصت في دار(ن) ورى الشيخ مسكين وحــولت من روس الجبــال الحبـــاري قبــل المغيرب صدت واحــد وعشريـن ومســـايل الشعبـــــان فيها الأثــــاري كــن الشجــر تنزل منه دمعت العيــن يلعــب هــواها في غـــدير الخبـــاري فــي موقع(ن) ماحصلوه السلاطــين متخيـــره في رغبتـــي واختيـــاري عنــدي من الخــلان ناسً خدوميــن جابــــوا معاميلـــي وشيــبت نـاري حولي صحونن فوقه الخوخ والتين طغاء حماره فوق لون الصفــــاري ذقت القراح وباقي الناس مضميـن اللي على المخبى تحط الـــــزراري واليوم صارت مسرحاً بين نـاريـن ماتفــرق الشبيــح والانتحــــــاري معارك(ن) تخلف عقول الرصينين اشد من مؤته وذات الصــــــواري حطيت انا بالطير بــرقع وسبقيـــن وقدمت عن درب القنيص اعتذاري ابي مع اهل الزرع واهل البعارين اسقى نخيلاتــي وادرج حـــــواري ياصاحبي والهرج كله نياشيــــن مدري مع الغافيـن ولا انـت داري وسلامتكم مع تحيات :- قـــضــاب |
الساعة الآن 09:14 AM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir