|
للبيع هايلكس غمارتين 2004 - Glx السلام عليكم ورحمه الله وبركاته واحد من العيال عنده هايلكس 2004 غمارتين glx الموتر نظيف محركات والبدي بحاله ممتازه وللأمانه فيه باب السواق مرشوش انا ماراح اتكلم بلسان صاحب السياره بتكلم بلساني انا لاني سقت السياره وفرفرت فيها يجي ساعتين السياره مشيت عليها لحد 170 الحمدلله مافيها رجه لكن يبيلها وزن ابواب فقط المكيف ولله الحمد حاطه على اقل درجه ورافع الفتحه من البراد الموتر عليه جنوط سود وكفرات خط ماشي حول ال 91.000 كيلو طبعا العداد فيها 61.000 وعلى كلام خويي يقول انه انفصل عليه ومشى عليه حول ال 20.000 ماتزيد عنها وهالشي بذمته بس الموتر سكبه ماشاء الله تبارك الله .. الموتر على يد راعيه وكاله وطبعا الان بااسم شركه تقسيط لان خويي فاكه منهم ايجار منتهي بالتمليك يعني المشتري بيكون اول اسم بعد الشركه سيم يوم الجمعه اللي راحت بالمعارض ب 41.000 ريال صافي وحد الرجال 45.000 ريال والصامل يفرق السوم ويشوف الموتر الصور ماهي متوفره الان لكن بحاول بااقرب وقت اشوفها لكم واعذروني على القصور |
| الساعة الآن 11:12 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir