|
الوسم قرب وحبيت اهيضكم بهالقصيدة ... رائعة جدا لا تفوتكم .. سرهيد السلام عليكم مرحبا بالجميع الوسم قرب وحبيت اهيضكم بهذه القصيدة للشاعر عبدالله بن علي العياف يا اهل الموتر اللي بأول القاع غبر وقفوا لي اب(ن) خوه عسى لي مكاني وان وصلتوا افياض تو وبله تنثر نزلوني اشم الروض والقحيواني ودي ابهج ضميري واهتني واتنظر ودي ارفع بصوتي واتبع الصوت ثاني والله اني على دنياي بس اتصبر واتجلد على مره وشين الزماني خاطري من هموم(ن) يوم شاله تكسر زايدات حملوه والله المستعاني أه منهوا معنّى بالحياة يتجبر له اهجوس تسوقه مثل سوق السواني واشقى عيني اللي لي ضوى الليل تسهر أه عزي لعين شيبتها الحزاني وهذا مقطع في اليوتيوب زيّن القصيدة بشيلة رخيمة تطرررررررب للمنشد سلمان الدبيخي ربي يوفقك ويسعده آمين .. فقد ادى شيلة مناسبة مع هالأبيات خلتني اتنكس :) يالربع والله اني قمت اتنكس من حلو المناظر والشيلة ربي يسعد الجميع قولوا آمين هدية للجميع حرر في 29/10/1433هـ تحياتي لكم اخوكم ابو عبدالله |
| الساعة الآن 05:44 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir