منتدى استراحات زايد - الرجاء المساعده عن جوال i phone

السلام عليكم ورحمة الله و بركاته
اولا اشكركم صراحة على هذا الموقع الرائع
و المجهود الجبار المبذول فيه

تانيا انا صراحة جديده على الموقع و حابه اقولكم قصتي و ابغى منكم خبراتكم
اشتريت جوال الاي فون و صراحه ما كان عندي اي فكره عن مشاكله ولا عيوبه ولا حتى مميزاته
ومن يوم ما اشتريته و انا من محل جوال لمحل جوال تاني
كلو بس عشان اعرف كيف انزل برامج على جهازي

وصراحه مع اني كان عندي حساب الي تون جاهز بس بدون فيزا
و الاب توب معاي بس ولا احد فادني في مطلوبي
حاولت ادخل الفيزا على الحساب مو راضيه
وجربت اكتر من فيزا برضو ما رضيت
في الاخير طفشت وطفش الرجال وقالي انا انزلك كل البرامج الي تحتاجها
وصراحه مع اني مو هذا اللي انا ابغاه بس قلت طيب ودفعت مبلغ وقدره عشان دي البرامج

بس برضو انا مو هذ اللي ابغاه
بعد ما شفت موقعكم وطريقة تعريف الاي تون بالاي فون
حسيت ان الفكره سهله وبسيطه

بس ماحبيت استعجل واسويها لان في اسئله ابغى اسالكم هي اول
1- كيف ادخل الفيزا في حسابي حق الي تون
2- هل لو عملت دي الحركه حتتمسح كل البرامج الي عندي
3- ايش هو السينكرونايز اللي في الاي تون وهل حيمسح البرامج
4- انا سمعت انو في اماكن متتخصصه في فك الجوال من هادي الحركه واصير احمل برامج بدون الحوسه دي عاااادي من الجوال, صح؟ و كيف كويسه ولا لأ؟
5- وانا نوع جوالي 2,2كويس ولا لازم انزل شي اجدد؟

المعذره على الاطاله
ولكم مني جزيل الشكر و التقدير[/size][/size][/color][/center][/size][/size][/color]