تنبيه مهم جدا في استيراد السيارات ارجو التثبيت
 

السلام عليكم ورحمه الله وبركاته
اخواني الاعزاء
انبهكم في استيراد السيارت ومشاكلها في الحدود (الجمارك) والفحص(المواصفات والمقاييس)
في هذا الفتره الحدود مشدده بمعنى الكلمه (تم تطبيق النظام بجديه )على السيارات (المصدومه والمصلحه) سواء امريكيه او خليجيه
1-ابدا بالسيارت المستورده من امريكا عن طريق استيرادها الى السعوديه مباشره او من الامارات اذا مصدومه ومصلحه مشكله بتكون في الجمارك وهي ان موظف الجمرك بيشيك عليها في مواقع الفحص الامريكيه واذا تبين انها (سالفج) بمعنى اخر مصدومه والحكومه كتبت في تقريرها انها تالف او تباع كقطع غيار (لاتفكر انها بدخل للسعوديه بيقولك رجعها للامارات او لامريكا ) وهذا الي صار معي سياره بقيمه 120 الف ريال شريتها من الامارات وجبتها لحدود السعوديه ورجعوها وكانت مصلحه مثل الوكاله بس من شيك على تقريرها رجعها فانتبهو من هذه المشكله وتخسر لك مبلغ وفي النهايه ترجعها للامارات او امريكا وتبيعها بخساره 20 الف الى 30 الف ريال
2- السيارات الخليجيه لاتشتريها الا اذا كانت نظيفه او مصدومه صدمه خفيفه ومصلحه واذا ارباقاتها طالعه ومصلحه لاتقربها الا اذا تم تركيب ارباقات جديده لانهم في الحدود يفكون السقف ويشيكون على الارباق اذا سليم والا تالف واذا كانت تالف الله يعينك ترجعها لمصدرها
3-والاهم هو ( المواصفات والمقاييس) اذا فحص السياره وشاصها سليم 100% انت عديت الفحص بنسبه 10% وبعدها يروح الموظف ويشيك على رقم الشاص في المواقع الامريكيه واذا تبين انها (سالفج) بمعنى اخر مصدومه والحكومه كتبت في تقريرها انها تالف او تباع كقطع غيار فالله يعينك لان الموظف راح يخزن رقم الشاص في سستم المواصفات والمقاييس وفي النهايه مالك الا واحد من اثنان
والاول - تبيع السياره تشليح
والثاني - ترجعها لمصدرها



في النهايه والله ياشباب اني ناصح لاني تورطت انا وابن عمي
المشكله الي صارت لي ان سيارتي مصدومه ومصلحه مثل الوكاله
وفي الحدود رفضوها ومالقيت حل ورجعتها الى الامارات وبعتها بخساره 20 الف ريال
ومشكله ابن عمي شرا سياره نظيفه امريكيه قبل رمضان
وقبل 5 ايام وداها للمواصفات والمقاييس لكي يفحصها ويكمل اجراء استخراج اللوح وشيك الموظف على السياره في المواقع الامريكيه المختصه بحفظ معلومات السيارت المستخدمه بداخل امريكا وطبع له الاوراق وكتب عليها (غير مطابقه) وخزن رقم الشاص وهذا الكلام قبل 5 ايام


في النهايه انتبه لاتشتري سياره من خارج المملكه الا وتتاكد من تقريرها انها غير تالف (سالفج) وارباقاتها سليمه 100%
والافضل انك تشتري سياره من داخل المملكه وترتاح من المشاكل وتفحصها على راحتك ولاتعتمد على تقرير الكارفكس و اوتو تشك واعتمد على الفحص من مختص والنظر بعينك لانهم ليسو دقيقين مثل النظر بالعين والفحص من مختص
واكثر الاحيان السيارات المستورده تستخدم داخل الدول العربيه وبعدها تباع وفي وقت الاستخدام احتمالات كثيره في وقوع الحوادث وهذه المشكله حدث لاحد اقاربي شرا سياره تقريرها بدون حوادث وفي النهايه اكتشف ان السياره مصدومه ومغير لها شنطه كامله(قص وتلحيم)

واذا لقيت لك سياره في السعوديه ولها بطاقه جمركيه وتبي تشتريها لاتخاف لان البطاقه الجمركيه معناها ان السياره تم فحصها ومجمركتها وهي صالحه للاستعمال



وهذا الكلام متاكد منه 100% وقابلت تجار سيارت سعوديون في حدود البطحا يشكون من نفس الشي
فلا تكن انت الضحيه فهذهي نصيحه اخ محترق قلبه ومجرب
والله يرزقنا الجنه ويعوضني وجميع المسلمين بكل خير