استفسار من اصحاب الخبرة في السوبربان
 

السلام عليكم ورحمة الله وبركاته

صبحكم / مساكم الله بالخير

العلم لكم خير
يسر لي الله وشريت سوبربان 2007 فل كامل دبل امريكي .. موتر جيد جدا والحمد لله ولكن شفت عليه ملاحظات وقالوا طبيعي.
الاولى: صوت طقه خفيفه في التغيير من 2 الى 3 وخصوصا اذا السيارة مرتاحه يعني ما شديت عليها. الورشه قال هذا طبيعي في الشكل الجديد والله اعلم
الثانية : صوت تكايات و رحت للميكانيكي وقال طبيعي بس اذا زاد الصوت لازم تسويه.
الثالثه : هذي المشكله طلعت امس ،طلعت منطقة جبليه وكان عزم السيارة فاااااااتر بالحيل مع العلم ان الموتر كان محمل عائله والدبل الخفيف شغال.
الرابعه: اثناء الطلوع شغلت الدبل الخفيف وجيت في منعطف ضيق ونزله الا الموتر مايلف الا نص لفه. نزلت في مكان براح وشغلت الدبل الخفيف ، اذا لفيت الطاره للأخير الموتر مايمشي الا بدعسة بنزين ويوم يمشي تقول انه ممسوك ويفحط كأنه دفلوك في جبل...


الموتر راكب عليه فلتر رياضي احس انه ماله فايده وعزمه في في الطريق العادي مافيه شي

هذي علمي وسلامتكم
تكفون من عنده خلفيه او خبرة او درايه باي مشكله لا يبخل علينا بأي معلومه