منتدى استراحات زايد - سحاب نجد-راعي شقراء والحض والنصيب

السلام عليكم ورحمه الله وبركاته

ابا اعلمكم بسالفه حاصله لي مبطي بس قلت اوسع صدوركم بها
يسولف علي واحد من ربعي يقولي مرة كنت واقف في المكان الفلاني واشوف راعي هكا السياره ياما راح ياما رجع يقول خذله وقت وهو يروح ويرجع في سيارته يقول رفيقي والبد في مكاني ماشافني ويقول اني قلت لنفسي هذا فيه بلا المهم يقول وياقف عند ذيك الشجره والكلام هالحين لرفيقي يقول وينزل من سيارته وهو يتلفت ماش يقول الرجال فيه بلاوي يقول واشوفه يوم نزل شي معه ويدفنه تحت الشجره يقول رفيقي وانا ماتحركت ويوم راح خذله شوي ويرجع يبي يشوف كان فيه احد شايفه وهو يدفن وجاي ياخذه هل الاحد المهم يقول راح ولا عاد رجع يقول واروح تحت الشجره واحفر اللي هو دافن يقول والقى كيس مليان اشياء ثمينه
مرت الايام وانا ياسحاب واقف اتسمع الرادو استديو رقم واحد اللي يقدمه محمد الرشيد في الرادو تراه يجي البرنامج الساعه 12 في الليل المهم انا ياسحاب مطفي انوار السياره وتاسمع البرنامج وذا الكلام في المسعري حول الاثل اللي من شمال ويجي راعي ذيك السياره ياما راح يامارجع ياما راح ياما رجع ويطفي انوار سيارته وينزل منها وانا اراقبه ويتلفت نفس قضيه راعي الاشياء الثمينه واذكر سالفه رفيقي قلت هذا رزق وساقه الله لي واجلس في سيارتي واناظر ونزل وهو يتلفت ويروح تحت ذيك الاثله ويدفن شي والدنيا ظلماء المهم ضمنت الرزق الوفير واحتريه الين راح واجلس زود لياه يرجع وابطى ماجاء واروح للشجره على رجلي معي كشاف اوبجلي المهم واجي تحت الاثله وبسرعه احفر اللي هو دافن بسرعه بيدي والاه الله يكرمكم شي رطب يا فرحه ماتمت الله لا يعافيه وجعله للامساك وجعله للحقوه ان شالله طلع مسوي اح ههههههههههههه ههههههههههههههههههههه [