منتدى استراحات زايد - أبي حل مشكلة التكايات في سوبربان 2008

مساكم الله بالخير

يالربع عندي سوبربان 2008 فل كامل بدون دبل

وسافرت عليه للباحة وسمعت فيه صوت تكتكة

ورحت لميكانيكي تركي وهندي وسوري

المهم كلهم قالوا السيارة يبي لها تغيير تكايات

ولازم نشوف عمود التايمن

وبعد مشاورات مع شباب وشيبان بالباحة

كلهم نصحوني بالسوري

وتوكلت على الله وحطيتها عند السوري

المهم انه نصب علي

وبعد ما جلست السيارة عنده قرابة 4 أسابيع

أخذتها والمشكلة انها بعد ما تسخن يطلع لي صوت تكايات

وقال لي هذا صوت عادي ولا فيها شي

قطع الغيار أنا اشتريتها من جدة

وكلفتني 9000 ريال

مع شغل يده كل التكلفة 10800 ريال

وسافرت على السيارة للمدينة ووديتها عند واحد سعودي مشهود له بالخير والخبرة

وقال لي لازم افك لك المكينة لأن جلب عمود التايمن راكبة غلط

وفتح لي غطاء راس المكينة وشغل السيارة

وقال شوف كلها ما تصب زيت الا واحد شغال

وعلى كلامه ان السيارة بتكلف من 4000 الى 5000

ما ادري وش اسوي السيارة معاي وقال لي اذا نويت تسويها

جيبها لي بعد العيد

وانا للحين متردد

غيرت زيت 10-30 وماراح الصوت

وغيرت 20-50 وبرضو ماراح الصوت

في واحد ثاني من الزملاء له خبره بالمكانيكا قلت له وش رايك

افك الغطاء ونجيب لي الهواء وننفخ في فتحات الزيت اللي ما تطلع الزيت

قال لي ممكن تضبط وممكن لا

(( القطع اللي غيرتها ))

16 حبة تكايات + عمود تايمن + جلب عمود التايمن

طرمبة الزيت + بكرة الكرنك

البواجي واسلاك البواجي + طقم وجيه كامل

شداد جنزير + طقم صوف

يالربع مشورتكم الله يرحم والديكم

ووالله اني كرهت السيارة ولي نية كبيرة

في بيعها حتى لو تصلحت خلاص عفتها