منتدى استراحات زايد - بخصوص الستوقر 2000

بسم الله الرحمن الرحيم

السلام عليكم ورحمه الله وبركاته

مساكم الله بالخير والصحه والعافيه

كل عام وانتم بالف خير وصحه وسلامه

انا مشترك جديد هنا وهذا اول موضوع لي والله يقدرني على الشي الي يبيض الوجه

يا جماعت الخير الكل يعرف الستوقر 2000 وصار لها صيت بين البوارديه
الكل يعرف انه مكتوب على الماصوره انها ترمي الى ضغط 50 تقريبا

انا بقولكم يا راعين الستوقر ولا يهونون الباقين تجربه واحد من اخوياي

عنده ستوقر 2000 من 8 سنوات ولحد الان معه ما شاء الله
قلت له انت وش الضغط الي ترمي به
قالي ضغط 36 ونادر 38
قلت طيب الكرك ( الرهو ) وش الضغط الي ترمي عليه
قالي ارمي فيها ضغط 36 رقم 1 اذا الكرك بعيد ورقم 2 و 3 اذا قريب لان الستوقر رميها حاااااااار ومغنيتني عن الضغوط

وانا قريت مواضيع ان فيه ناس معهم ستوقر ورامين بضغط 36 وانفجرت مواصيرهم
كلامهم صحيح 100%
بس المثل يقول اذا عورف السبب بطل العجب

تصدقون ان فيه اثنين من اخوياي معهم سوابر مرهمين لهم مواصير بلاجيك جالسين يرمون سوا رمي تدبيل من دسته وحده كان ضغطها 36 انفجرت مواصيرهم
استغربو ؟؟ وفعلا شي يحير
فكو الفشق وطلعو الملح طلع الفشق مغشوش ( تعبيت القصيم )
طلع الملح الي داخل الفشق مو لضغط 36
تخيلو طلع ل ضغط فوق ال 50
ومعروف ان مواصير البلاجيك ما تستحمل اكثر من ضغط 50 والشباب جالسين يدبلون :d

فا زبدت الموضوع يا راعين الستوقر منتم بحاجت الضغوط لان رمي الستوقر حاااااااار
خلوكم مركزين على ضغط 36 و 34
والطيور الكبيره ضغط 36 رقم 3 و 2 و 1

واذا اخطيت باي معلومه انا مو معصوم عن الخطاء

تقبلو تحياتي