منتدى استراحات زايد - بَعِيؤنـَﮘك آلقَىِ ﮘكـلَ عٌمِريَ وآلآيَآم .. وبَفرِآقِـﮘك يمِؤتَ آلآمَل فَيِ حَيآتِيَ .

** البــــــــــآرت الأوووول **
أروع ما قد يكون في العمر ( حب ) ولكن الأروع ! أن يزهو بالوفاء ..
وأروع ما في القلب ( نبضات ) ولكن الأروع أن ينبض بالدعاء ,
فيا رب في هذا الوقت أسعده وبما يرضيك أشغله ..
وبأعلى جناتك أسكنه ..
وبما فيها من نعيم متعه ..
( أمين يا رب العالمين )
.
.
.

.. قعدت وأنا أحس أن عظامي متكسرة ومب رآيمة أتحرك .. قعدت على صوت دق البآب .. أكييد هآي مآمآ ..
وقمت بطلت البآب وقلت لهآ ..
شمآ ( أنا ) وأنا أتثآوب : صبحج الله بالخيير الغالية ..
مآماتي : شو صبحج الله بالخير بعد انتي الحين السآعه 11 وأنتي بعدج رآقدة .. قومي يالله بتريآج تحت .. اليوم الجمعة وبييون قوم عمومج هالجمعة بيجتمعون عندنآ ..
شمآ : آآه هييه الحين بقووم
( وطبعاً أنا كنت بطير من االفرحة لأن كل بنات عمومي بيجتمعون عندنآ .. )
أووه نسيت أعرفكم على نفسي :
أنا إسمي شمآ .. عمري 17 ثآنوية عآمة ودآشة علمي .. وخرييش وأحب أتمصخر وأسوي مقآلب في البيت وفي خوآني وجييه .. وبيضآ وضعييفه ومب طويلة وآيد ولا قصيرة وآيد يعني ووسسط و
( قمت وتسبحت ولبست دريس أخضر هآدي مافييه وآيد شغل وفيه فيونكة تحت الصدر وحطيت جحال وقلووس وردي فآتح وربطت شعري لأن أصلاً شعري مب من طولة يوصل لين جتفي ولبست شيلة خضرآ على لون الدرييس ونزلت تحت )
وأنا نآزلة صادفت أخوي حمد :
أنا : صبآح الخير أخي العزيز
حمد : صباح النور أختي العننزة
أنا : حمود عآد شو العنننزة من صبآح الله خيير يالتييس
حمد : ههه صدق مينونة وما فيج عققل
ونزلنآ أنا ويآه تحت .. ويت ويت بعرفكم على أخوي العزيز حمد ..
أحم أحم حمد هذا أخوي الكبير يعني هوه أكبر عني وعمرة 19 ويدرس في جآمعة زآيد تخصص آي تي .. ومغآزلجي . وشعرة يوصل للين نص رقبته .. وأبيض وعيونه كبآر ومركب تقويم لونه رصآصي بس هوه مآ يبآآه أونه يبآ يعقه لأنه ما عايبنه ..
( نزلنآ أنا وحمد أخوي تحت وحبينآ روس مآماتي وبآباتي وقعدنا مع البقيه )
إلي كانوا موجودين في صالتنا الي تحت : بآبآتي ومآماتي و أخوي مآيد وأخوي حمآني
خلوني أعرفكم على عايلتناا العزييزة
بآباتي : رآشد .. طيب ومآ يحب يرفض لنآ شي ويشتغل في شركته مآل المقاولآت وعمرة 42
مآمآتي : مريم .. وطيووبه وتحب عيآلها وآيد ومآ ترضى عليهم أببد وتشتغل مع بآباتي في الشركة ..
مآيد : أخوي .. أمم أصغر مني بسسنه يعني عمرة 16 صف ثآني ثنوي .. وعآد هآيي حيآته كلها ع الاب والننت والبيبي يعني أغلب الأحيآن على النت
حمني : هآ أخوي عبد الرحمن فدييته وهآ عآد آخر العنقوود عمرة 5 سنوآت ووسوو كيووت
( وصلوا قوم عمي سعيد )
عمي سعيد : هود هود . السلآم عليكم
بآبآتي : وعليكم السلآم والرحمة هلآ والله بخووي سعيد توو ما نور البيت والله
عمي سعيد : منور بأهله ( وسلمو على بعض .. وقمت أنا أسلم على عمي )
أنا : هلاا والله بعمي حبييييبيييييي
عمي : ههه هلآ والله بدلووعتي ( وسلم علي )
( وأمي قآمت وسلمت على عمي من بعيد ورآحت تسلم على عمتي ( حرمة عمي سعيد ) وأنا طبعاً سييدة رحت عند طيف وروضه بنآت عمي
أنا : هلآ والله بحبيبااتي وصديقااتي .. ( وسلمت عليهن ) وبعدين رحت أسلم على عيآل عمي .. محمد وفهد .. وأخوآني رآحو يسلمون على عيآل عمومي
حمد : هلآ والله بعيآل عمي السبلآن
محمد : هلآ فييك يالقرد .. عيل نحن سبلآن .. ماعليه حسابي معآك بعدين
فهد : هييه ما عليه حسابي معآك بعديين حموووووود
( ورآح الكل يقعد في الصآله . لأن الكل قبل الصلآة يقعدون مع بعض وبعد الصلآة الريااييل يسيرون الميلس والحريم يسيرون الصآلة )
....... خلووني أعرفكم على عآيلة عمي سعييد .......
عمي سعيد : ريآل طييب .. عندة شركة مكآفحة حشرآت ويشتغل فيها وعمرة 45 وهوه أكبر عن بآباتي وبجر يدي ويدتي .. _ عاد فهموها _ ههع
عمتي آمنه : حرمة عمي سعيد وحرمة طيووبة وما تشتغل يعني قآعدة في البيت
وولدهم البجر ( فهد ) : عمرة 23 وشآب وسييم متزوج بنت خآلته عايشه يعني متزوجنها عن طريق الأهل بس بعدين حبهآ وتأقلم مع الوضع وعنده بنت اسمها آمنه على اسم يدتها
روضه : تيي عقب فهد بنت حلووة بيضاا وفيها غمآزات تذببح وعيونها عسلياات وعمرها 19 تدرس في جآمعة زآيد تخصص إدرآرة أعمآل ..
محمد وطيف : هآذوول توأم يتشآبهون وآيد يعني إذا طيف كآنت ولد جآن مآحد فرق من بينهم ..
محمد : شآب حلو . شعرة يوصل لين نص رقبته .. وأبيضآآني وحياياته مقرونآت وعيونه كبآر وعسليآت .. وعمرة 17 ثآنوية عآمة علمي نفسسي هههع
طيف : حلوة وبيضه وعيونها نفس عيون محمد وعمررها 17 ثآنوية عآمة وعلمي .. وأنا ويآها مآ نتفآرق أببد
.................................................. .................................................. ............
في الصآلة وين كلهم يالسيين ..
أنا : بآباتي نحن من زمآن ما سرنا العزبة شو رآيكم نسير العزبة وونبآت هنآآك ..
طيف : الله كششخة صدق صدق عمي خل نسير هناك والجو الحين حلوو
بآبآتي : خلآص تم بنسيير بآجر جهزو أغراضكم وبنبآت 3 ايم هناك وبنرجع
انا : هييييييييه فدييتك بابآتي .. ( وبسسته ع خدة ) الله لآ يحرمني منك
بآباتي : هههه ولآ منج
حمد : أقول شبآب شو رآيكم اليوم نسير نحووط في المول ( ويغمز لهم )
محمد : خلآص تم بنسيييييير
شمآ : الله أبآآ اسييير .. حمد فديتك بنسير ويآكم
حمد : يالله ممااشي سسييرة قري في البيت هنييه نحن ما بنشل بنآت
طيف : مآ يخصنا نحن نبغي نسيير .. ولا ترآ والله بنسير ويآ الدرييول
حمد : قلت ماشي سيرة يعني ماشي سييرة
شمآ : بآبآتي حبيبي خلهم يودونا والله نبغي نسير ..
بآبآتي : شبااب يالله ما تطلعون إلا والبنآت ويآكم
مآماتي : هيه والله كله تسيرون تهومون أنتوا والبنات يتمون محبوسين في البييت .. سيرو خلوهم يشوفون الدنيآ شوي
محمد : أمرنآ لله بنشلهم دآم الشوااب عطو كلمه ما نقدر نرجع بها
شمآ وطيف : يسسسسسسس ( وظربن كف بكف )
رووضه : قسم بالله مينن هههه
الكل : ههههههههه
( وشرفوا قوم عمي عبدالله ) خلوني أعطيكم نبذة ع السريع عنهم
عمي عبدالله : ريآل وله هييبته شدييد بس في نفس الوقت حنون متقآعد كان يشتغل في الجيش وعمرة 40
عمتي شيخه : حرمة عمي عبدالله وحرمة حنونة وتحب عيالها وعمرها 39
سيف : هآ بجرهم وعمرة 19 حنطآوي وفيه غمآزة وحدة ع اليميين وشعرة قصير لأنه ما يحب يطول شعرة أونه خننث
شهد : بنت حلووة مب بيضاا يعني حنطآوية شرآت اخوها عندها غمآزة وحدة .. وشعرهآ يوصل لين نص ظهرها .. طيوبه وتحب تسولف .. وكلآ مع رووضه لأنهم قرآب في العمر ......
.................................................. .................................................. ..............
..
..
..
..
..
هذآ البآرت الأول .. أبغي أشوف ردودكم . يمكن يكون قصير .. بس هذا مجرد تعريف للروايه

يآ عمي عبدالله مع عايلته الكريمة وكآن يايب ويآآه يدتي .. لأن يدتي تسكن عندهم
عمي عبدالله : السلآم عليكم ورحمة الله وبركآته
الكل : وعليكم السلام والرحمة
والكل قآم يسلم على الثآني .. وقعدو كلهم
بآباتي :: يا بو سيف ترآ بآجر نحن مسوين رحلة للعزبة ونبغيك تسير ويآنا عآآد
عمي عبدالله : أكييد نحن ما بنفوت هالسييرة
شهد :: وآآو يعني بنسير العزبة !!
روضة : هيه شفتي عآآد .. ههه .. واليوم ترآ بنسير المول مع الشبآب وأبغيج تسيرين ويااي لأني ما أبغي أسير ويا هالمخببل بروحي لآزم أنتي ويااي
أنا : سمعتتج روآآضي ومآ علييه حساابي معآج بعدين
البنآآت : هههههه
.. (( من صوب الشبآب )) ..
محمد : سيفوووة ترآ اليوم نحن بنسيير المول وبنشل البنآت ويآني .. بتيي ويآنا !!
سيف : بتشلون البنآت ويآكم ؟
حمد : هييه قالولنا ما تسيرون إلا إذذا شليتوا البنآت ويآكم
سييف : ههه ها أكيد شموة قايله لهم وطبعاً ما يرفضون لهآ طلب
محمد : أكييد .. نزين بتي ولآ .!
سيف : طبعاً بيي
( الله أكبر .. الله أكبر )
((أذن لصلآة الجمعة والريآييل سارو المسيد علشان يصلون والبنآت قاموا فوق علشان يصلون ))
(( من صوب البنآت فووق ) ) .. عقب ما خلصوا صلآة ..
شمآ : أييه الحين شو نحن بنلبس اليوم .؟
طيف : ههه بعد شو بنلبس يعني .!! بنلبس جنزات وفوقهن عبيي
روضه : يالغبآء إلي فيكم نحن من وين بنييب للبس لنآ .؟
شهد : اصلاً أنا لآبسه وخآلصه .. ( كآنت لابسه جنز سكني وقميص بيبي بلوو )
روضة : الله يخسج يدوة ما شآفتج !!
شهد : لآآء ليش لأني لبست العبآة وماحد يعرف أني لآبسه جنز خخخ
شمآ : طيف وروضه أنا بعطيكم ملآبس من عندي
روضة وطيف :: أووكيييييك
طق طق طق طق ( صوت البآب )
شمآ : منووو
البشكآرة ( سيتي ) : مآمآ يقول يالله غدآ ( مآ اعرف كيف يرمسون البشاكير ) خخخ
شمآ : أوكي الحين نآزليين .. يالله بنآت قوموا بننزل تحت نتغدا بعدين بني فوق علشان نلبس
( ونزلو الينآت كلهم تحت عشان يتغدوون )
أم شمآ : بنآت حمد يقول لكم أن عقب الغدآ ع السآعه ثلاث جييه بيسيرون يعني تغدو واجهزا
البنآت : أوكييه
اليدة : جييه وين سآيرآت البنآت .؟
أم روضه : سآيرآن المول عمووة
اليدة .: وشو ها بعد المول .؟
أم روضه : هآآ السوق عموة السووق
اليدة : هييه عآد شحقة تبن تسيرن السووق .؟
شمآ : يدوة نبغي أغرااض من السووق
اليدة : هييه وبتسيرن السوق روآحكن .؟
شمآ : لآ يدوة بنسير ويآ الشبآب
طيف بهمس : مب جنها العيوز اليوم وآيد تسأل
روضه وشهد : جنهآآ
البناات : ههههههه
أم شهد : بلا ضحك وهذرةة على الغداا .. أكلن وأنتن سآكتآت
البنآت : انشاءالله
( وعقب ما خلصن البنآت أكل طآآرن فوق عشان يغيرون ثياابهم ويتكشخون لسيرة الموول )
... عند البنآت فوق ....
أنآ ( شمآ ) ..: كنت لابسه لقنز اسود مع قميص ابيض عليه صورة hello kitty وفوقه عبآة سآدة ما فيها شي ونعآل سطآحي .. والهاند باق مآل مآركة chanel لونه أسود .. وسآعه مآركة chanel
طيف : لابسه لقنز ذهبي مع قميص أسود عليه صورة ويني الدبدوب خخخ وعبآة سآدة وهاند باق أسود مآركة dior وسآعة مآركة Aignar
روضه : جنز أزرق سكيني وقميص أصفر مخطط بأسود وعبآة سآدة وهاند باق بني مآركة Aignar وسآعه بنيه مآركة Aignar
شهد : جنز سكني وقميص بيبي بلوو وعبآة سآدة وهآند باق أبيض مآركة chanel وسآعه بيضآ مآركة dior
وحطن البنآت جحال وقلووس خفيف عشان ما يهزبونهم الشبآب خخخ
بعد ما خلصن البنآت نزلن تحت علشان ما يتأخرون .. وشافوا الشباب يالسين بتريونهم وكلهم مطقمين .. لآبسين كندورة كحلية وغترة بيضآآ ونعال سوداا
وركبوا السياارة طبعاً مب في سيآرة وحدة ..
السيآرة الأولى : سيارة محمد بورش كايين كحلي رآكبين فيهآ محمد و حمد و شمآ وطيف
السيآرة الثآنية : سيآرة سيف رنج أسود فيهآ سيف و مآيد و روضه وشهد
وصلو إمآرآت مول ونزلوا وتماو يحوطون البنآت مع بعض والشبآب ساروا ييلسون في ستآر بوكس يتريون البرنسيسآآت يخلصن من المشترى
وطبعاً البنآت ما خلن شي ما شرنه .. ورجعوا كل وآحد لبيتنه ورقد لأن بآجر ورآهم قومة من الصبح علشان بيسيرون العزبة .................................................. .
(( الآن كل المستخدميين رآقديين وفي سآبع نومة ))
( يوم السبت .. في بيت رآشد ( أبو شمآ ) ....)
شمآ : ياا الله يا حمد قوم ضهر برع الغرفة أبآآ أرققد أناا
حمد : يعني أنا شو أسوي أمآيه مطرشتني أقعدتج لأن بعد شوي بنسير العزية ..
شمآآ :: أممم بس خمس دقآيق وبعدين بقووم
حمد :: اللهم طولج يآ روح .. شمووة بتقومين ولا شووه
شمآآ : أفف في هالبيت مآحد يرقد يعني .. ( وقآمت ورآحت الحمآم )
وطلعت من الحمآم ولبست جنز أبيض مع قميص أبيض وفيه حزآم بربري وفوقه عبآة مفتوحه ( كل البنآت مطقمين ) .. وحطت جحال أبيض في عيونها وقلوس شفاف .. ولبست شيلتها وشلت الهاند باق مالها وحطت فيها البيبي التورش الأبيض مآلها وحطت الأمبي والميك أب الي تحتآجه هنآكي ولبست جوتي سبورت أبيض ونزلت تحت عشان يروحون .. ركبت السيارة ويا أخوها حمد لأن أمها أبوها من زمان سآيرين وطبعاً حصلت هزبة من أخوها لعى تأخيرها بس طبعاً عند شميم ما يهمها ..
وصلو أبطآل قصتنا للعزية وكل حد سآر يرتب أغراضه في غرفته .. وألتقوا البنآت مع بعض .. وكآن ترتيب الأقسآم كالآتي
الطآبق الأول : لشوآبنا .. يعني كل وآحد ويآ حرمتة .. واليدة بروحها وفهد وحرمتة وبنته بعد ويآهم
الطآبق الثآني : للبنآت .. والشبآب
الغرفة الأولى : شمآ وطيف
الغرفة الثآنية : روضة وشهد
الغرفة الثآلثة : محمد وحمد
الغرفة الرآبعه : مآيد وسيف
( في غرفة شمآ وطيف )
شمآ : آآه تعبت والله الحمدالله خلصت بقوم أشرب لي شي من المطبخ
طييف :: آآه حتى أنا تعبت ييبي لي ويآج مآآي بآآرد
( في غرفة روضة وشهد )
روضة : أفف نسيت الاستشوار عند طيف بقوم أييبه
( في غرفة محمد وحمد )
محمد : أخييه أكرة أرتب شي ما أعرف وين أحط ها ووين أحط هاا
حمد : أحسن شي أقوم أزقر شموة ترتب لي اغراضي
محمد : هيه وأنا بقوم أزقر طيفوة عشان ترتب اغراضي .. بصرآحه ما أعرف كيف أرتب
حمد : هههه تراكـ غير منظم
محمد :: هههههه يعني أنت المنظم يالمنظم
وقآموا علشان يزقرون شموة وطيف
(في غرفة شمآ وطيف )
طق طق طق طق ( صوت البآب ) خخخ
طيف : منووة .؟
محمد : أنا ظهري ابغي أكلمج
طيف : أوكيك ( وبطلت البآب )
محمد : اقوول انا ما اعرف ارتب شي قومي انتي وشموة ورتبوا اغراضنا انا وحمد
طيف : نشتغل عنكم مثلاً !
محمد : بلآ هذرة زآآيده ويلااااااا
وروحوا محمد وحمد تحت عند الشوآآب
طييف : أفف شموة قومي نسير نرتب اغراض هالسبلآن أخوي وأخوج
شموة : ليش هم قالولج .؟
طيف : هيه أون هم ما يعرفون يرتوبون وما اعرف شوو
شموة : أوكيك يلآ قومي نسير
( وسآروا طيف وشمآ يرتبون أغراض محمد وحمد ) خخ
وعقب يوم خلصوا نزلوا تحت ولقو الكل مجتمع في الصآلة العودة ويسولفون
شمآ وطيف : السلام عليكم
الكل : وعليكم السلام والرحمة
حمد : هااه عسآكم رتبتوا أغراضنل
شمآ : هييه رتبنآآ رتبنآآ
طيف : وكسرتوا ظهورنآ بعد
حمد ومحمد : هههههه
مآيد : أقول شبآب قوموا نلعب درآجات
الشبآب :: يلآآ
شمآ : أقول بنآتات قوموا نسير عند المسبح
البنآت : يلآآ
روضه : عوآآش ( حرمة فهد ) تعآلي ويآنآ جآن تبين
وقآمت عوآش ويى البنآت عشان يسيرون يتمشون صوب المسبح

عند الشبآب كل وآحد ظهر الدرآجه مآله وقآم يلعبون ويقحصون على العرآقيب ومى أدري شو من سوآلف الشبآب ..
.................................................. .................................................. ......
عقب كل هالتعب وعقب يوم شآق ومملوء بالمغامرآت سآروا البنآت والشبآب ويلسوا عند الضو .. وطبعاً الشوآب كل وآحد على فرآشه .. تقريباً كآنت السآعه 11
( عند البنآت والشبآب )
شمآ : أقول شبآب
الشبآب : قوولي
شمآ : منو فيكم صوته حلو
( الكل تم يطآلع محمد لأن صوت محمد ماشاءالله عليه حلو )
محمد : بلآكم تطآلعوني جذيه .!
حمد : شموة ترآ صوت محمد وهوه يششل وآيد حلو خليه يشل
شمآ : صج !! حمود يلآ شل لنآ .. نبغي نسمع صوتك
طيف : هيه أخوي وأعرفة صوته حلو ماشاءالله علييه .. تف تف
محمد : آآيييه خيستييني لا تفليين
روضه : حمود فديتك أخوي العزيز يلآ شل لنآ
محمد : انشاءالله من عيوني . كم روآضي عندي انا !
الكل : هههههه

محمد : شآف شمآ وقال :
ويغيب صوت هزه الفقد والروع
ومع غيبته ما غبت باقي انا ديك

وشلون انا اضماك واسهرك واجوووع
ولا بسد بحاجتي طيف ما ضيك

خيالك الاي ما خذ منك طمووع
يشدني صوبك اليا ضقت وادعيك

بعدك يمر ضيقه الم والوووع
واليل يسكبني معانات واشكيك

بعدك فقد شعري تلوين وشمووع
واصبح سواده واضح في تعازيك

ما تشبه بوصلك سوى حبة الكووع
ياللي يرتبك بقصيدي وغنيك

باقي امل وش به امل باقي مقطووع
حتى الامل قد الف الياس وش فيك

ياللي فقدتك ضاعت دياري والربوع
مالي جدي غير احتمي بك واسميك

واسراج خيول القاف الدمعات وخضوع
وانزف في حبر صورتك في عين مغليك

وانعي بك بيوت بها اضحك ممنوع
واسلب صدى الاعجاب من بوح يبكيك

واعاينك في شعري اللي غدى نوع
الحزن وضيقات من فعلة اياديك

يا صاحبي ماعاد به صوت مسموع
الوصاح صوت الفقد من عين مغليك
أحم وسلآآمتكم ..
( الكل قىم يصفق ويصفر .. وشمآ وآيد عجبها صوته .. حتى طاحت دمعتها بس ماحد حس فيها ومسحتها .. بس محمد شآفها .. )
حمد : أوووه حمود شو هالصووت مآ نروم نحن
روضه : حموووود فديتك صووتك جوناان
طيف : هييه يا توأمي صوتك وآآيد وآآيد ناايس
شمآ : تسلم حموود صووتك وآيد حلوو
مآيد : حمود منو تقصد بهالشله .؟
محمد : أنت شو يخصك .!ههههه
شمآآ وهيه تتثآوب : أقوول أنا بصرآحه قفلت وبروح أرقد .. ( وتطآلع طيف ) يلآ طيفوة رقآد تآيم خخخ
(( وقاموا شمآ وطيف علشآن يرقدون .. وبعدهم الكل قآم عشان يرقد , بي محمد بقآآ عند الضو .. وشميم كآنت ناسيه جآكيتها عند الضو ونزلت علشان تييبه ))

.................................................. .................................................. ..............
كآآآآآآآآآآآآت .. أبغي ردودكم .. ورآبكم في كل شخصية ..
محمد :
شمآ :
روضه :
شهد :
طيف :
حمد :
سيف :
مآيد :