شاعر تزوج بشاعره شوفوا وش صار ليلة الدخله .. !!
 

بسم الله الرحمن الرحيم ..

السلام عليكم ورحمة الله وبركاته ..



نقلت لكم هذه القصه بحذافيرها

وماجرى في ليلة الدخله

شاعر وشاعره جمعهم النصيب وتزوجوا .. وكان بينهم اتفاق

تكون ليلة العرس مختلفه وغير تقليديه

وان كل منهم يقول ابيات شعر ارتجاليه وقت وجودهم على

الكوشه .. وبطريقة المحاوره ..

دخل العريس على عروسه وهي تنتظره على الكوشه ..

وبدا ينفذ الاتفاق

واول شي رحب بالحاضرات وقال :


مرحبا ضيفاتنا .. فالفرح نوّر 000 ياهلا ويامسهلا بالحاضراتي

ارقصن غنن ولابي منكن اكثر 000 انفضن سمر الجدايل مايلاتي

الفرح بوجودكن يزها ويفخر 000 دامه الله نعمةٍ يالغالياتي

وبعد هالابيات .. رحب العريس بعروسه وقال :

الفرح فرحين وانتي الفرح الأكبر ... ياهلا بك ياعروسي يا مناتي

قبلة الترحيب ، هاتي الخد الايسر ... الشنب يخدش خدود موّرداتي

ربي جمّعنا .. وقول الله أكبر ... شاعرٍ مع شاعرة باحلى غناتي


وجا دور العروس الشاعره .. وردت على عريسها وقالت :

ياهلا بك واحترم نفسك توّدر ... وانثبر ساكت ولا تشوف ..البناتي

فارغٍ قلبك مثل ذيبٍ تحدّر ... يلغف الخرفان في صمت وسكاتي

لا تفكر يعرفن بالشِعْر الأحمر 000 ما يبن شعرك .. بناتٍ عاقلاتي


ويلتفت العريس على عروسه وابياتها القويه ويرد :

شينها من ليلةٍ يالوجه الاقشر 000 اعقلي يابنت .. خوف من الشماتي

اضحكي قدامهن لو ضحكٍ اصفر 000 ولا تفردّنا .. تشوفي الطايلاتي

وين عقلك بالشعر .. راح وتنكر 000 وين كلمة حب .. وين المفرداتي


فترد عليه العروس :

تحسبن العرس يالانثى المذكر 000 مثل شعرك هرج وصف القافيتي

العرس .. تدخل بعالم مثل تِقبر 000 ما مضى تنساه تحيا كالرفاتي

المْرَهْ بالعنق .. والاولاد تكبر 000 والعوافي تعقبك في كل آتي


العريس شاف السالفه بتخرب من اولها ، وعروسه بدت تشكي من اول ليله


فحب يستثيرها وقال واهو يوصف البنات الحاضرات وام العروس :

شوفي اللي لابسه فستانٍ اخضر 000 كنها لولب برقص المبدعاتي

وشوفي امك كنها كيسٍ مخصّّر 000 وفرقي بين العجايز والبناتي

وشوفي المزيون راع الشعر الاشقر 000 واهني الرجل في ريم الفلاتي


وهنا العروس طقت عروقها .. وشالت الكلافه بينهم .. وردت عليه :


لعنبو اصلك ترى لو ما تدّبر 000 وتستحي يالشين تقعد في ثباتي

لاصفقك كفين .. اعذر من قد انذر 000 واتركك وحدك وهج بلا عباتي

منت رجّال .. ولكن ثورٍٍ ازعر 000 لا حيا .. لا سمت من كل الجهاتي


وتوقف العروس .. وتصيح بعريسها تطلب انه يقوم ويروحون :

هيّا قم .. قامت عصبك ولا تأخر 000 ناويه أعطيك درسٍ في الصفاتي


ويرد العريس .. يمازح عروسته :


ماني قايم .. روحي لوحدك ولا اكثر 000 خايفٍ منك تجيبي لي حماتي

ويقومون الاثنين وينزلون من الكوشه .. والعروس تهمس في اذن عريسها :

شخّص ببشتك وراسك فوق اكثر 000ودنق عيونك .. ومشيك في ثباتي

وامسك بيدي .. وتبسم ولا تنثّر 000 ومن قرب حولك تردد .. "ياحياتي "


فيرد العريس بشويش :

من سمع هرجك .. يقول ولا تحذّر 000 ضبي شارد ما خذه ضبٍ نباتي

جعل منتي ذيك اُم الشعر الاشقر 000 لا .. وتتشرط علي وجه الدباتي



وتقفل مع العروس وتشين الاخلاق وتمسك نفسها لين وصلوا غرفة النوم ..

ثم قالت :


شف ترى مابي مشاكل أو كدر ... خلنا نِمْرحْ .. قبل وقت الفواتي

هدني الارهاق ولا احتاج السهر ... والصبح بدري يهجدوني خواتي


وابو الشباب يرد عليها .. :

مايصير .. اللي تقولي من عذر ...ما انام إلا .. بحل الواجباتي!

وش تقول امي .. إذا بان الخبر ... وش اقول لهم ..تلحفت بعباتي!


والعروس تضيقبها الفسيحه .. وتقول :


لا تطوّلها ... وفكر بالامر 000 وش دخلهم .. فزواج الشاعراتي

وان رفضت ارميك في هذا الممر 000 واقفل الغرفه وطوّل في سباتي


وكما جرت عليه العاده .. يخضع العريس لرغبة عروسه ..

ويتلحف ببشته وينام.. :5:

بسم الله الرحمن الرحيم ..

السلام عليكم ورحمة الله وبركاته ..

الله يسلمكم ويعافيكم من كل شر ..

تسلمون عالمرور ^.^

وعليكم السلام ورحمة الله وبركاته
تسلمين على الطرح