تغـآر حتـى من الهـوى يـآ ويـل حالـي يآ هـوى ♥
 

[ البـــآرت الأول ]


فطامي وهي تصارخ لالالالا مسسستحيل اللي اسسمعه اكيد مغلطين . . لالالالالاااااااااءء مآماات هو وعدني مايخليني مستحيل يخليني دخيلكم قولو انه جذب دخيلكم آآآهه يا قلبيي آآهه مستحيل يموت هالقلب وين حبيبـيه آآآه
دخيلك تعاااال ابا اشوفك قول أنه اللي اسمعه جذب

تفز من نومها .. ودموعها مغرقة مخدتها وتهاذي باسمه وعقب تستوعب انها كانت تحلم : الحمد لك ربي انه حلم

قامت من مكانها تشوف الساعه 5 الفير رآحت توضت وصلت وعقب مسكت فونها بتردد وتتصل بـ الغلا كله
> بصوت مبحوح : ألووووهه

أنا : حبيبي

الغلا كله : هلا حياتي فيج شي . .

انا : بغيت اتطمن عليك

الغلا كله : هههه فآيجه والله مواعتني احيين بس عسب جي

انا والدمعه بعيوني : هيه .. أزعجتك ؟

الغلا كله : لآ فديتج انتي تتصلين اي وقت . .واحين خبريني شفيج ؟

انا : حلللممت انكك خليتني

الغلا كله : وانا وعدتج اني مآخلييج لين الموت

انا بصرآخ : لالالالاتطططري المووت نسآآآك المووت . . تصيح

الغلا كله فخاطره ( فديتج والله ) : لاتصيحي انا معاج الحيين

أانا : ....

الغلا كله : تعوذي من ابليس فديتج وروحي حطي رآسج ونآمي

أنآ : إن شاء الله . . مع السلامة

الغلا كله : ربي يحفظج


بعد مدة طويلة . . بعدها ماسكه الفون وتفكر

آه شو رآح يصير بدنيآي لو خليتني .. لآزم أنام عن آمي تحدر وتشوفني وتسويلي تحقيق
الله كريم . . سارت فطامي ترقد

الساعه 11

سارة تدخل ع فطامي وتروح صوبها : فطامي قومي حبيبتي

فطامي بصوت تعباان : سارونه خليني أحس اني تعبآنه ومب رآقده عدل

سارة وهي مستغربه : شو مب راقده عدددل تستهبلين راقده قبلنا وبعد هب رآقده عدل مب صاحيه انتي شو فيج مرض الرقاد

فطامي بصراخ : شو تبيني اسويييلج خلاصص طلعي من الحجره وبعدين ويآج يعني
سارة : الله يهدييج وطلعت متوجهه صوب الوالده

ساره : ماماه فطوم هب رآضيه تقوم

ام أحمد ( أم فطامي ) : بلاها بعد . . اليوم الجمعه روحي حاولي وياها لاتنسين انه بنروح نتغدى بيت يدج

سارة وهي تتنهد : إن شاء الله

صوب بنآت خالة فطآمي . .

أمووون : يآسسسسسلآم أخخيرن بشوف فطوم . . حشى فالسسكول مول مانتشاوف
مريوم : هي صدقج حتى انا نادر ما اشوفها وخاطري اشوف ساروونه بعد من تخرجت ماشفتها

ميود يدخل عليهم : إيييه انتن خلصن بسرعه اترياكن فالسيارة

أمون : مخلصصات نحن بس باجي كم شغله . . وبني روح تجدم انته
وطلع عنهم

مريوم : أقولجج أمايه بتي ويانا ؟

أمون : مادريبها يمكن نصور عقب اييبهم هي وعنودي

مريوم تقوم من مكانها تروح تلبس عباتها وتقول : يلأآ عيل قومي لبسي عباتج وانا بروح اشوف امايا

امون : ان شاء الله

سارة تدخل ع فطامي للمره الثالثه . .

فطآمي : ها قممممت

ساره : فطوووم تستهبلييييييييييييين أحين الكل ف بيت يدي ألا نحن متأخرين صارت 12 وبعدج مآجهزتي ولا خلصتي

فطوم بنظره تعبانه : انزييين خلاص طلعي بجهز ع السريع

قبل لا تقوم تسبح طرشت مسسج [ انا قمت] للغلآ كله

مرت عشر دقآيق وطلعت فطامي من الحمام وشعرها يقاطر من المآي

تدش امها عليها : غربلاتج تبين تمرضين . . خبله من يووممج روحي نشفيه

فطامي : ماماه انزين هب فآيجه خليه جي

أم أحمد : اذا بتمين جي عز الله وصلنا بيت يدج بسرعه يلا نشفيه وروحي خلصصي سرعه

فطامي : إن شاء الله < ورآحت نشفته ويلست تعدل شعرها لين ضبط وياها . . رفعته بطريقة وآيد حلوة وتجحلت وحطت روج وردي خفيف

وتعطرت ولبست عباتها وشلت شنطتها وكتبها وفونها اللي ماتستغنى عنه وطلعت : أنا خلصصصصصصصت يلا نروح

أحمد : مابغيتي آنسسه فاطمه تخلصين

فطآمي بعيون مستآنسسسه فررت شنطتها وتروح تحضن اخوها : وينك يالدب لك وحشه لهالدرجه العروس نسستكك انه عندك أخت .. " تذكرت الغلا كله

أحمد بصدمه : يالهبلا خربتي غترتي قومي عننني وبعدين انا مب دب عن الغلط أحين ترى بخلي مرتي . . وتقاطعه ريم : بلاها مرتك تحش فيني ها

فطامي وهي تضحك : هي يحش فييج .. وتروح تسلم عليها

فطامي : يلا كممل بلاها مرتك

أحمد : ماشي يلا روحي زقري الوالده وسارونه خلينا نروح الكل هناك ينتظرونا

وصلو بيت العآيله الساعه 1 ونص

وتحدر أم أحمد أول وحده ووراها سارونه ووياها ريم وآخر شي فطآمي
آلكل قآم يسلم عليهم

آم سآلم ( أخت ام أحمد ) : مرحبآ بااللي نورو البيت

أم أحمد : مرحبتين النور نوركم

وكملو سلأآم

مريم وأمون ووياهم نورة و شهد شافو فطامي .. ركضو صوبها هلا هلا هلا ويتحاضنون ويتباوسون

آموون : اشحالج يالدبه

فطامي : بخير ربي يسلمج ويت شويه بروح أسلم على خالوه أسوم
وصلت صوب خآلتها وسلمت عليها

خآلتها أسوم : هلا بالدلوووعه اشحالج .. مأخرتنهم عيل ها

فطامي بفشله : يقولون

خآلتها : خلاص روحي فديتج أكيد البنات يتريونج اشوفهم يغامزون من بعيد
فطامي رآحت وهي تضحك

[ نورة وشهد بنات أم سالم ] <

وعندهم بعد خوات كبآر معرسات [ منال و شما ] وأخو صغير اللي هو سآلم

وبتعرفون عن الشخصيات أكثرر مع الآيام . .

البنات رآحو الصاله الخآصه فيهم وخلو الحريم الكبار والمعرسات روحهن


صوب الشبـآب

أحمد كآن يآلس حذآل يده ويسولف وياه عن البحر وأيآم أول

وكآن وياهم مآيد وسلوم مستانس من سوالف يده

وخآلهم حسن < مطلق ومتعقد لأنه مآ اييب عيآل

حدر عليهم نآصر ( أخو مريم وأمون ومآيد ) : السلام عليكم

ويقومون يتخاشمون وياه

فطآمي عينها طول الوقت ع الفون تتريا مسسج بس ما وصلها شي

نورة تصرررخ فجاه : فطآآآآآآآآآآآآآآآآآمي

نقززت فطوم و الكل ضحك عليها

شهد : هآ شو عنددج 24 ساعه تشوفين الفون

لو ماخذه بلآك بيري شو بتسسوين أضني عينج وهو متلاصقين
ويردون يتضاحكون عليها . . وهي مبوزه وقامت عنهم مآحببببكم وتعيب عليهم وطلعت من الصاله

طلعت برع الفلة يلست بالحوي . . الجو كان خيآلي نسيم الهوى يهب ع خدودها الحممر وفجأه تشوف كندورة بيضا مجابلتنها تبا ترفع عينها تشوف منو هب قادره متفشله

مآيد : منو آنتي

فطاممي : ....

مآيد : دشي دآخل شباب بيحدرون الميلس ومره ثانية لاتطلعيين هالوقت

قامت وع طول لفت بظهرها وركضت داخل

مايد يضحك : خبله هالبنت.. وتخبببل ماشاء الله عليها قمر شكلها وحده من ربع ميمي

ساره : ها أشوفج رديتي وتضحك

فطامي : هيييه رديت شو فيها

أمون : يلسسي يلسي من زمان مب شايفتنج شخبار الدراسة

فطامي بدون نفس وتتذكر اللي صار برع : تمام

مريوم : اقووول بلا هالنفسيات الخآيسسه طول الوقت يالسسات مانسسوي شي شرايكم نشوف فلم

الكل : هيييييييييييييه نبااا

دشت عليهم ريم مرت أحمد تقولهم انه الغدا جهزز .. وقامو يتغدون ولما خلصصو

كل وحده راحت تجهز شي
وحده آلفشآآر ووحده العصصير ووحده راحت تجهزز الداتاشو ومنهم راحو يسوون آيس كريم كله عسب الفلم

وطآف الوقت وأذن العصر .. رآحن يصلن وعقب شغلن الفلم

فطآمي : إييه أقوول خلو الفلم حق فالليل
أحين نبا نلعب ونسوي أكشنات وجي

شهد : صدقهااا

ساره : خير يعني عقب ماجهزنا كل شي تقولون هالرمسسه ماشي يلا خلونا نشوف احين بيبدأ

فطووم تأفف : كيفكن لاه

ويلسو يشوفون ويعلقون ع اللي بالفلم
بس فطامي بالها ويا الغلا كله ..

طرشت له مسسج ( وينك ) ومرت نص ساعه ورد عليها ( موجود ) وهي بخاطررررهاا ياليت عندي بلاك بيري ولله بكلمه 24 ساعه ومابيلس جي احاتيه واحدر المسن كل يوم وبوقت محدد اوف ياربييهه شو هالعيشه



cut

سو نايس نتريا البارت اللي عقبه و نصيحه كملي روايتج بتفاعل ولا لا..
لأنج تكتبينها بهدف خاص لج..
صدقيني إذا ما كملتيها راح تحسين بفشل و الفشل بعده احباط و عقب الاحباط انهيار..
^^
أتمنى اني ما كنت ثجيله ع القلب..