|
اخذت قلبي وروحي و اشلك بعيني(حارب و اليازية) اتمنى انكم تحبوا القصة |
هااااااااي حبيبتي والله القصة روعةةةة مرة مشكورة خيتو |
ألووه يزووي بشري ...شو عرفتي النتيجه.... الجزاء 1 اليازيه: لا ...........من الفير أنا يالسه مجابله موقع الوزاره ....ولا فيه شي................الحقيني فاطمه بنت عمها :لا أنشاء الله خير ............لاتخافين اليازيه تصيح و تناعر ............الله يغربل هذي الوزاره و ينطب المدرسه و يلعن الأمتحانات.............. فاطمه : هدي أعصابج أنشاء الله من الأوائل اليازيه : شو الاوائل البارحه نتايجهم ...................أكيييييييييييد سقطت............ بموووووووووت فاطمه :فال الله و لا فالج ............. هدي شويه ليتج التشوفين أخويه ميووود راقد مبخر ولا عليه من نتيجه و لا شي ............... اليازيه : شو هلبروووووووود وعيييييييييه هذا الثور ... قوليله يسير جريدة البيان و يسأل عن النتايج ويخبرني... فاطمه : حشه عليه تبينه يفنقرني....................أنا الي بعدني ثاني ثانوي و شاله بهر أكثر منه اليازيه : برايج فطامي ...ماروم أرمس حد الحين... فاطمه: ما عليه فديتج هدي و أنشاء الله خيييير..........باي عيل... تمت اليازيه على أعصابه ساعه تصيح و ساعه تضحك مثل المخبل...كانت روحه في البيت أختها موزه ثاني ثانوي و أخوها راشد صف أول ثانوي راقدين ولاعليهم ..و أخوها العود سيف21 سنه يدرس في ستراليا.. و أمها كانت سايره الجمعيه .... كانت اليازيه وايد جميله وجسمها متناسق وعيونها عيون المهى عسليات اللي يشوفهن يصوبنه وكان شعرها لين الركب ولونه أحمر من الحنى وبشرتها صافيه و برونزيه... من الضيجه قامت وتصلت الأمها..:.أمايه ................ أم اليازيه : ها فديتج بشري .... اليازيه : و هيه التصيح مادري .... ما حصلت شي .... أم اليازيه : فديتج بعده الصبح توها ثمان ...مايهمج أكيد ناجحه ... اليازيه وهيه تناعر .............. آميييييييييييييييييييين صكت عن أمها وتمت لاويه على التلفون تتريا الخبر ..... من الضيجه و كثر النعير سارت تتسبح عشان يطوف الوقت........... دخلت الحجره وتمت التقرقع تبا موزه تنش....موزوه قومي دخيلج.... موزه : ياربي.... شو هذي الأخت اللي بتليت فيها لا رمنا نرقد البارحه من كوابيسج و رمسج طوووووووووووول الليل ولحين من الفير تبانا النش............... اليازيه : موزه ساعديني ................ موزه: شو أسوي أمتحنت و خلاص ...و بضحكه حقيييره...وأكيدبشوفج في صفي السنه اليايه.................... اليازيه و هيه تناعر : الله ينطبج ياليابسه............وفرتها باموسده... شلت ثيابه وسارت تتسبح....كانت التغني عشان تنسا النتايج ... بس كانت التصيح في نفس الوقت........... و هيه تتسبح حد يدق الباب بالقو ...........................يزووووووووووووووووووووو ي يزووووووووووووووووي ...........نجحتي ....نجحتي 95% يالمصريه............ اليازيه مب قادره تستوعب ... صوت الماي مقطي .... صكت الماي و على كشتها شامبوا شو شو .... تسمع صوت أبووووها...وهيه بعدها مب مستوعبه ........لبست الرووووووب وفجت باب الحمام ...وأنها تشوف عيون أبوها محمره ...قالت شو,,,,,,,,,,,, (و لو عليها أبوها) و قالها فديتج رفعتي راسي .... اليازيه : وهيه تصيح نجحت أبو اليازيه: هيه فديت روحج 95% تمت لاويه على أبوها وهيه تصييح و ربعت صوب موزه ....وتمت أتصارخ و تفر المواسد على موزه..... و نش راشد من الحشره.... راشد : شو فاز المنتخب ....(وهوه يضحك) أبو اليازيه : لا فديت يزوي نجحت...يابت 95% في الثنويه العامه... راشد : عنبوا يالمصريه....ما تنلامين مدارس خاصه... اليازيه: عنبوا قول ماشاء الله الموز تقاطعها وتقول : من طلب العلا سهر الليالي....الفال لي السنه اليايه... قام ابو اليازيه وبشر أمها .... وربعت اليازيه صوب التلفووون وتصلت البيت عمها .... ردت عمت اليازيه : مرحبا اليازيه : مرحبا ملايييين و لايسدن بعد .... باركيلي... نجحت عمت اليازيه عفراء: والله... مبروك ألف مبروك...تستاهلين يابنت خليفه.. عمت اليازيه عفراء كانت أصغر أخوانها و عمرها 22 ...مالج عليها واحد من الفريج ومعروفه بخفت دمها و طبخها السنع.. اليازيه : الله يبارك في حياتج....................بشري اللي عدالج و خصوصي لفطامي... عفاري وهيه تباقم .............. ياهل البيت بشرو أبنت خليفه نجحت اليازيه : عفاري لا تنسين النسبه...95% عفاري 5% ...............95% من يزيد من يزيد سمع مايد ولد عم اليازيه صراخ عفاري مايد ضاهر من الحجره: عنبوه ياعفاري أنت عمه وجيه تصارخين شو نقول عيل عن اليهال ............. عفاري: عنبوه مستانسه على بنت أخويه .... مايد : و انا بعد ثنويه عامه ................ماستانستيلي عيل.............. عفاري: شو نجحت............ مايد: و الله توني ناش على زعيجج ................مادري بعدني اليازيه و هيه على الخط أنشاء الله ناجح وموزه من عدال اليازيه ... لا عاد مايصير كلكم تنجحون ...مادام انت نجحتي فخلي ميود يسقط عشان أحصل حد أنافسه................وهيه تضحك........... اليازيه:عفاري عنبوه قولي الميوووووود ماشي مبروك ............ عفاري: خليه يعرف نتيجته أول عقب يذكر يبارك لج................لو تشوفينه يالس ويشرب عصير و طالب من البشكاره بيض و طماط و عقب مايتفيق أنشاء الله على أذان العصر بيسأل عن النتيجه........... مايد : جنكن تحشن فيه ............ لا ماصدق اليازيه تحش فيني.....أفاااااااااااااااااااااا اليازيه : أيييييييييه عفاري قوليله مالي خص ... لا يسويلي سالفه بعد ويقول قالت وقالت جدام قوم يدي........... عفاري : ميووووووود ...يزووووي تقول مالي خص ..علشان ماتسويلها سالفه و تقول قالت وقالت جدام قوم بو........... اليازيه وهيه تقاطع عفاري الله ينطبج ...عمتها بدال ماتكحلها.............. مايد وهو حاز في خاطره ...شل سويج السياره و ظهر من دون أي كلمه.... مايد كان يحب اليازيه و كان متعلق أبها من زمان .. وهو الحين عمره 19 ..هذي ثاني سنه يمتحن ثنويه عامه ....وهو كان وايد حبوب يحب الحواطه و سيرت البر و سواقت الدراجات .... فطامي وهيه داخله من خاري... أيييييييييه شو بلاه مييوووود سلمت عليها ولا حفلني.. شو لايكون سقط عفاري: لا عادي هذا راعي سوابق اليازيه: ياربييييييه شو سويتي أكييد زمفخ...كله منج عفاري : ماعليج ما يزعل من اليازيه... فطامي : عطيني السماعه اليازيه متصله حقي ............. عفاري : ماخبروج نجحت ويابت 95% فطامي: لا لا عطيني السماعه عيل...............ويلست تغني فطامي ..نجحنا و الله و فقنا و آخر صبرنا نلنا .......... اليازيه وهيه تقطع في رمست فطامي ...الله يباركلج..المهم أطمني على أخوج عقب ردي علي.......... فطامي: من عيوووني أنتي تامرين اليازيه : جلبي و يهج عيل ...ياله مع السلامه............. تمت اليازيه يالسه وزعلانه بس شويه وقامت الأتصالات تيها ولكل يبارك من مدرسين ومن أهل و من جيران و ربع.............وهيه مب سايعتنها الأرض من الفرحه ... ويت أمها من الجمعيه ويوم شافتها لوت عليها و سون مناحه في القراج... دخلن داخل ويلسو كلهم يسولفووون ويضحكون وتصلو أب سيف في أستراليا يبشرونه... صاح تلفون الصاله فزت موزه عقب ردت يلست على الكرسي... موزه: شحقه أتعب عمري ...هذي المكالمه اكيد من حد يبارك اليزوووي ...شليه أنت أحسلج. اليازيه وهيه تضحك وسايره صوب التلفون: ومن شر حاسدن اذا حسد على الكاشف ررقم بيت عمها ......... اليازيه :مرحبا ملاييييييييين فطامي: بشري.............ميوووووووود نجح اليازيه وهيه مستانسه : لا والله ومايد كان قاعد عدال فطامي وحاط التلفون على السبيكر........... مايد: شو قالولج ماروم ..........ولا قبي....... اليازيه : وهيه قافطه: لا حشاعليك من القباء ...بس .............. مايد: بس شو ؟ اليازيه وهيه قافطه: لا ماشي أنا كنت متأكده أنك بتنجح بس كنت أستعبط على فطامي ....وعلى العموم ألف مبروك على النجاح وسوري على رمستيه المخبقه من الفرحه قمت أنقع............ مايد وهو مبتسم: okخلاص عيل ... اليازيه : مع السلامه............ المساء يتمعو كل الاهل في بيت يد اليازيه..........والكل مستانس بنجاح اليازيه ومايد.. بعد العشاء كل حد سار صوب بيته.......... وفي الطريج على الساعه 12 الى بيت قوم اليازيه الي كان في العوير( وبيت قوم يدها و أعمامها كان في جميرا..........) وفي اللاندكروزر كانن اليازيه و أما ها و موزه رادين ويا الدريول............ وموزه و اليازيه يضاربن كعادتهن.... |
محي الدين حط على الخليجيه ف م موزه : محي الدين حط شريط المنوعات اليديد....... اليازيه : بس ملينا من هذا الشريط خلينا نسمع شي يديد موزه: جلبي ويهج أم اليازيه: عن هذي الرمسه يامويز...تأدبي شويه اليازيه :فديت أمايه أنا موزه : بخبر باباتي عليج............بقوله خذت حلاوتي وتمن يضاربن و ساعه يضحكن.... موزه: صوت هليكبتر عدالنا... وإلا السياره تفتر على صوب.... أم اليازيه: محي الدين ... شو سالفه شو بلاها السياره... محي الدين و هو يحج كشته:ماما هذا تاير في بنجر في هوا مافيه.... اليازيه: لا تقول ..........لايكون مننزل تراني لابسه سكارف و ماقدر اتغشابه... موزه: هيه والله مايصير أختي يبنجر أبها التاير و ماتكون مستعده و ولا تكون لابسه شيله تقدر تتغشابها لا مايصير.............. اليازيه : عن الطنازه. أم اليازيه : لمن ثمكن...وتتصل أب بو اليازيه و قالها أنه في جبل علي و يباله ساعه... نزلت ام اليازيه أطالع الدريول وهو مبعارف يركب التاير....وهم كانوا بعيد عن المدينه. أم اليازبه : لا حول ............ البنات كانن يالسات في السياره ........ موزه : يزووووي ....طاعي طاعي اليازيه : شو عندج موزه : طاعي .... صدي ورا...... طاعي منو يرمس أمايه اليازيه تفز و تصد ورا:...........................شو هذي بورش الكايين عجيبه......ثلاثي بعد ... ماكان يجابلهن اللي في السياره و سيارتهن كانت مخفيه ماينشاف منو داخلها... كانت سيارة حارب الجتبي...طالب في كلية خليفه الجويه..عمره21 ... ومعروف بخفت دمه وشكله كان رهيييييييييب.......... حارب: ما من شر عمتيه............. أم اليازيه : الشر ماييك ......... بنجر التاير ودريولنا جوله مايعرف يتصرف...... حارب: لا خير أنشاء الله ...........وين دربكم الوالده............... أم اليازيه: صوب العوير.......... موزه : الله بنركب بوورش كايين .....ياسلام أم اليازيه : صه صه...... نزلن البنات من السياره وردت موزه قشوتها على ويها أما اليازيه أبطرف السكارف تلثمت.كان حارب لابس سفره وعقال... فج باب سيارته ونزل وعق السفره ولعقال في السياره ...وتم بالقحفيه.......ويوم وصلن البنات السياره..سلم حارب وردن السلام البنات.. طاحت عين اليازيه في عين حارب.........توقف قلبها من جمال هذا الريال... وهيه ماكانت تنشاف عدل بس عيونها و كان ظلام ........ ركبن السياره و سار حارب صوب اللاندكروزر.......... يلس يبدل التاير.......و محي الدين سار بالحرمات صوب بيتهن........ في سيارت حارب ........ اليازيه متبلمه جنها شايفه جني.......ماترمس و لاتقول شي........ أما موزه ماقصرت يلست اطالع شو في السياره ......... موزه وهيه تصاصر يزوي: يزوي ألحقي تحتي ريت قوطي جقاره...الاخ طلع اليدخن ......طاح من عيني..... اليازيه ماترد عليها........... موزه تنقز وتشغل المسجل.......... أم اليازيه: قري عيب......... سيارة الريال وفي المسجل كانت غنيت ميحد حمد............ أخذت قلبي وروحي و شلك أبعيني..................ماتدري أنك عيوني اللي أشوف أبها أمشي مع الوقت وطيوفك تخاويني........نشوت غرام المحبه من سبايبها.. اليازيه تبتسم.......... يوم وصلو البيت ........ونزلو من السياره .....سحبت الشريط من المسجل و نزلت....... سارت حجرتها سييييده.........ماتعرف ليش سوت جيه... تمت التفكر فيه...مافارقت عينها نظرت عيونه.......... أم اليازيه تدخل حجرت اليازيه : يزوووي وين تلفوني....... اليازيه : مادري..........وين حطيتيه......... أم اليازيه :آخر شي رمست أبوج عقب مادري وين خليته......... اليازيه: أتصلي أوين بيصيح بتلقينه.......... أم اليازيه: قومي دوريه......... اليازيه وحاطه أيدها في مخباتهاok سارت الصاله وتصلت على تلفون أمها............تم أيصيح ماحد اليرد و ماتسمع صوته في البيت.........ماصكت السماعه .....لبست شيله بيضه وضهرت في الحوي تتسمعه جان التلفون خاري أو في سيارة ........حارب سارت صوب سيارة حارب فجت الباب أطالع جان التلفون داخل السياره........فجأه أنه حد بقم عليها..... اليازيه نقزت: بسم الله الرحمن الرحيم يــــتـــــــــــبـــــــــع ... |
راشد وهو يضحك من الخاطر..:هاه شو تسوين........... اليازيه : نقزتني الله ينطبك..........ماشي أدور تلفون أمايه راشد:هيه وتلفون أمايه شو يابه في سيارة حارب و شو ياب أصلن سيارت الجتبي بيتنا اليازيه وهيه ترمس عمرها ( عيل أسمه حارب و جتبي بعد).......... راشد: يزوي شو فيج ترمسين عمرج.......ردي عليه اليازيه سالفه طويله أسأل أمايه عنها..........بس أنت من وين تعرفه راشد: عنبوه هذا الحربي ربيع سواف اللي كان يدرس وياه في مدرسة راشد وعقب سيف سار أستراليا و الحربي سار كلية خليفه الجويه........... اليازيه: واااااااااااااااااااااااااااااو...........سبحان الله ...........وهيه راده الفله دخلت سياره من وراها ......تقشت لأنها ماتدري منو...... من دريشت الصاله توايق.........ضهرأبوها و عقب دقيقه دخل حارب بسيارة قوم اليازيه.......سلم على أبو اليازيه و ضهرت أم اليازيه بتقربه ......... أم اليازيه: أقرب الغالي البيت بيتك ........ حارب : ما تقصرون ........ بس بسير أطيح العيوز نقعت التلفون من كثر ماتتصل أتقول كلاهذا درب من ندالشبا لين العوير....... أم اليازيه: لاخليت منك مشكوووووور الغالي و رد السلام علاهلك وسامحنا فديتك على الأزعاج.......... حارب : لاماعليه......بس تلفون في السياره ومن ساعه يصيح.... اليازيه وهيه تتسمع......... ربعت وسكرت سماعة التلفون.......... أم اليازيه : صكت ..من طريناه حارب : ماعليه عمتيه تامرينا بشي .......... أم اليازيه: مشكووور و تزقر ام اليازيه :محي الدين وين مفتاح سيارت الريال محي الدين: ماما هذي يزووووووووووي آخذ مفتاح دور تلفون اليازيه وهيه تسمع قفطت أذكرت أنها حطت مفتاح سيارت حارب في مخباتها عقب ما دورت التلفوووووووووون أمها في السياره....... عطته راشد وقالت وده.......للريال ..........و كانت محمره من القفطه......... كل حد سار في سنعه ........بس اليازيه كانت يالسه في الصاله وسرحانه ... وتفكر في هذا اليوم الطويل اللي كان كله أحداث..... وسارت ترقد الساعه 3 ............. الصبح.......في بيت قوم اليازيه........ أم اليازيه: قومي نشي يزوووي الساعه 10 اليازيه: أنزين أنزين تلبست اليازيه وتعدلت........وضهرت صوب الصاله....... اليازيه: سلام عليكم أم اليازيه : مرحبا ساع.....................صدق ربيعج حصه أتصلت تقول تباج ضروري.. سارت اليازيه وتصلت بحصه اليازيه: ألووووه حصه : صباح الخير........توج ناشه........عيزت وأنا أدقلج... اليازيه: صباح النور .........خير يالحص........آمري حصه: أفاااااا.....لا يكون ماتدرين....... اليازيه: خير حصه : ماقريتي الجريده......... اليازيه: لا والله مب مثقفين ما نشتري جرايد...... حصه وهيه تضحك: طرشي دريول يشتريلج جريدت البيان بسرعه و فجي صفحه 13وعقب ردي تصليلي........ اليازيه : خير شو في الجريده ...ماروم أتريا...بصراحا مافيه أقراها......... حصه : والله بتخسرين........ اليازيه: هيه عرفت أكيد صورت حمدان بن محمد في الجريده................ حصه وهيه تضحك: ياليت..........برايج الحينه... يوم بتشترينها أتصليلي.... اليازيه : ok bye .....التصلت اليازيه للدريول و وصته أييب ألها الجريده.......... صاح التلفون سارت موزه وردت عليه............... موزه: يزوووووووووووي الحقي.......... اليازيه كانت تاكل قرص خمير ......... فرته وربعت صوب موزه اليازيه: خير موزه: فطامي تقول حاطين صورج في الجريده ويا أوائل مدرستج........ اليازيه وهيه قافطه: لا والله ..................... ومطت السماعه عن موزه........... اليازيه: أكيد يالسات اتخورطن........عن الجذب فطامي وهيه تضحك: والله والله اليازيه : لا يالفضيحه شو أسوي ألحين......... فطامي : هذي حلات المدارس الخاصه ...يكرمون الشطار هب شرات مدرستنا حت مبروك مايقولون.......... موزه وهيه تسخف: عاد محد غيرج في الجريده بيشوفونه........يالله طاف........ فطامي وهيه ترد على سلام مايد: مرحبا مايد قول صورت منوه في الجريده اليوم.. اليازيه: لا دخيلج كله ولا ميوود أكيد بيزعل......... مايد: منو..........لا يكون أنا.......ليش لا... فطامي وهيه تضحك:أكيد مصورينك في صفحت المعاكسين........ مايد: جب فضحتينا...........منو ترمسين فطامي: يزوي....... مايد يصارخ: شحالج يا المصريه....... اليازيه: أقول فطامي بزوالج جان درا بالصوره........ فطامي okولا يهمج اليازيه: باي باي وصلتني الجريده......... ..........صكت السماعه وتعافدن كلهن على الجريده... اليازيه : يا فضيحتيه بين القبايل... موزه: الله حاطين أسمج الكامل مب بس الصوره...طاعي هذي بعد ربيعج حصه..عنبو كله أوائل صفكم زلمات....... اليازيه وهيه تضحك: يا الفضيحه قدينا مصريات على آخر عمرنا...... أم اليازيه وهيه يايه من المطبخ.: شو فيكن يالعيايز......... موزه: أمايه طاعي........... أم اليازيه : ويديه .........منو هذيلا ......عنبوه بنات منو هلكثر... موزه وهيه تضحك: أمايه ما تعرفينها منو هاي أم اليازيه: لا تاخذمن بنات الشيوخ...........أقول يزوي هاتي النظاره من السده... اليازيه وهيه قافطه: لا مايه مافي داعي ......... موزه وهيه فاطسه من الضحك: أمايه هذي يزووي............ أم اليازيه : لا لاا...............وتلبس النظاره.........هي والله بنتي............. اليازيه و هيه متروعه من أمها: والله مايخصني أم اليازيه: فديتج عنبوه أنت مب مسويه شي عيب لا راقصه و لا مغنيه.......أنت ترفعين راسنا و تراج بشيلج ومتلحفه ...... اليازيه : فديييييييييييت أمايه انا ................... في بيت يدت حارب .............. كانت يدتهم ساكنه في بيتها و وياها ساكن أصغر عيالها علي 22 الي يدرس ويا حارب في نفس الكليه ..وعيالها الباقين كل واحد منهم معرس و في بيته روحه... يدت حارب و هيه داخله حجرت الشباب: فديتكم عيالي قوموا نشو بيأذن الظهر........... علي: أمايه حارب يسبح .......يوم بيضهر بنش يدت حارب : ماعليه بسير عيل عند الحرمات منتقهوي قبل الظهر....... ..........ضهر حارب ويلس في الصاله يتريا علي...............يوم أبطا عليه على قام وسارشيشت البترول ........... فول سيارته بترول و نزل يشتريله ورنامين c و جقاره..............وصاح تلفونه... حارب: مرحبا علي : وينك يا الجتبيي ضهرت ماريتك .......... حارب : أنا في شيشة أبكو أصب بترول ......... علي : أنزين أشتر جريد البيان عشان أنعرف شو في السينمه اليوم...... حارب: ok ....................تشرا ورد صوب بيت يدته..........يلسو يطاعون التلفزيون و تغدو...و الضهر سأل علي حارب عن الجريده....... حارب : وه خليتها في سياره .......... علي :أدب لك أنا بسوق سيارتك اليوم ونته بتيلس عدالي....... حارب وهو مبتسم: لا والله قول أبا أسوق السياره وخلاص........ علي : عاد أنا ما عليه منك كنت بسوقها ومابشاورك...... حارب : يالله روحنا...الأفلام في الستي يبدن 3 0 علي: يالله ركبو السياره وساق على الكايين ............. علي: حروب طالع الجريده جان ماشي أفلام يديده بسير صوب البداير حارب:أسميك خبله في أول سبعه وتبانا نسير البداير ....... تباني أنصهر..... علي يضحك و يشغل المسجل......... حارب كان يجلب الجريده.......وين صفحة السينمه.............. لا حظ حارب الصور الي مكوده في الجريده ............ حارب: شو عندهم اليوم الجريده ممزوره صور.......... علي : يمكن مال الثنويه البارحه كانت النتايج...............حليلهم حارب: هيه.........صدقك...........حمدوه كانت هياهم ......... علي : شو سوت أختنا صدق............. حارب:نجحت ....... ويابت 75% علي : بنسير نشتريلها هديه عيل............... حارب: لا ماعليك عاطتني لسته بكل الأشياء اللي تباهن...........أنا ماشفت شراتها من قلتلها شو تبين قبضت القلم و كتبت اللسته جني ساير الجمعيه ...........وبعد كل شويه تتصل و تقول نسيت أقولك أشترلي جيه و شترلي جيه............ كانت الشمس حاره و سياره مب مخفيه.......... طر حارب ورقه من الجريده و حطاها على الدريشه........... ماكان شي أفلام في السينمه يداد ....فساروا وافي يتشرون للسفر لأنهم كانوا معزمين يسيرون أستراليا............ يوم وصلو المركز...فج الباب حارب وطاحت ورقت الجريده على الأرض...... وخا و يابها......أن عيونه تطيح على صورت اليازيه بد عن غيرها.......تم مندمج في الصوره و سرحان في عيونها الحلوه و كان متأكد أنه شايف هذي العيون بس وين مايذكر.و.ماركز على الأسم......... علي : الحربي صك الباب و مشينا ...ماحلتلك قراية الجريده ألا الحين... حارب و هو يطوي الورقه ويحطها في مخباته: يالله مشينا......... ...........وفي المحطه الكبرى كان مايد مودي سيارته التجييك و يعدل سفايف سيارته. يالس يتريا سيارته و تم يجلب الجريده ........وذكر رمست فطامي.... أنصدم يوم شاف صورت اليازيه ........مات من القهر لأنه كان يغار عليها من الهوا اللي تتنفسه.......... ماصبر على السياره لين تخلص سحبها سار البيت و يلس يتحرطم و فطامي ماتروم تسوي شي الأنا تعرفه بيضربها ( و محد كان يدري أنه مايد يحب اليازيه ألا البنات قوم عفاري و موزوه و فطامي).. فطامي تتصل العفراء : عفاري وينج عفراء: في الحجره...... شو تبين فطامي : بيذبحني ميوووود .....من شاف الصوره تخبل نزلت عفاري من حجرتها بسرعه................. مايد و هو يصارخ على عفاري: شفتي بنت أخوج المحترمه..... عفاري: خير شو شايف عليها ... صاخينها تغازل و لا في حفل غنائي و لا طلابه... مايد مب عارف شو يرد عفاري : أصلن أنت لا زم تكون أول واحد فخور ابها و مستانس...... هب شال الدنيا على راسك.......... مايد: بس .......... عفاري : لا بس و لا شي .......ياحبيبي اللي يحب يحب الخير المحبوبه لو كان عل حسابه.......... طلع مايد بدون أي كلمه .................. وفي وافي عقب ماتشرو ثياب سارو غوديز.... يشربون عصير و يدخنون شيشه.......... قام علي وسار يشتري كنافه......من سار ضهر حارب ورقة الجريده وطالع الأسم (اليازيه خليفه سيف القمزي)95% حارب وهو يكلم نفسه لا مب معقول هذي يزوي اللي كانت تضاربني على الورمينcيوم كنا يهال لا ما صدق هاي أخت سواف مصغر الدنيا.......... علي و هوه ياي : شو بلاك........ حارب : ما بلايه شي علي : صدق أتخبرك شو أخرك البارحه و يايني مبهدل .................لايكون مضارب وياحد و ماعزمتني وياك...... في ذيج اللحظه أذكر العيون الي البارحه شافهن وسحرته و تمنى يعرف منو هاي ... راعيت السكارف الي متلثمه...حط ايده على راسه ... ولي كان عندها سويجي البارحه..لا مبشي طبيعي............ علي: لا حول أييييه أخويه شو فيك ينيت يالس ترمس عمرك......... حارب :علوه سرينا ...بيتنا علي :. شو فيه الريال الساعه 6 و يقول سرينا.............. خذ حارب المفتاح و سار صوب سيارته.... و لبس علي وخلاه روحه في غوديز...... سار حارب صوب بيتهم في ند الشبا ... كان حارب أكبر أخوانه...أصغر منه حمده18 سنه و عقبها بطي 15 و عقبه راشد 10 سنوات........... دور أمه ........ مالقاها في البيت ...أتصلألها و قالها تي بسرعه .......... أم حارب وهيه يايه مشتطه :خير يابويه روعتني... حارب : لا فديتج خير أنشاء الله .... أم حارب :آمر حارب: ماعليج أماره ...بصراحه أنا بعرس....... أم حارب : فديتك .... هذي الساعه المباركه...حد في بالك و لا أنقيلك.... حارب : لا والله حد ام حارب : من أولها لا يكون هب من بناتنا تراها مابطيح بيتي و عن تكون من الشروق ترانا ما نعرف أصلهن و مخبل ......... لا يكون تعرفها ... لا يوليدي فديتك الي يرمسنكم ترا عادي يرمسن غيركم و لا لايكوووون........... حارب: الله يعين سويتيلي محاضره قبل ماتعرفين منو صبري شويه......... لا حوووووول. أم حارب : قول قول حارب عصب من المحاضره اللي قالتها أمه ...... ففضل أنه يسكت...... وبعد أسبوع...... حارب : فداعت الله ياميه ...تامرينا بشي قبل لا أروح أم حارب : حافظنك الله يالغالي تسير و تعود بالسلامه .... ماوصيك من توصل تتصلي... حارب :أنشاء الله...سلمي على أبويه (كان يسبح) أم حارب : سلامن يبلغ أبخير ......... طاف علي و حد من الشباب على حارب وسارو جدا المطار خلصوا جوازاتم و طارو الى ماليزيا........... في العوير... أم اليازيه مسويه عزيمه على نجاح بنتها... موزه: لا ماروم..........كل ما أسشور بكلتيه تقفط.......شو هذي الحاله اليازيه و عفاري و فطامي و حصه يضحكن على سوالف الموز.......... عفاري: موزوه تعالي بحط عليها أسبريه بتثبت موزه: لا فديتج ....عشان يقدي شرات شعر الخاله المملس عفاري: كنت بسوي فيج خير بس مقيوله الخير في البقر..... اليازيه : تمط فطيم وسير وياها عند المطابخ........ فطامي: شو عندج اليازيه: الحقيني ...يافطامي...... وخبرتها السالف من ماتبنجر التاير لين المفتاح.... فطامي: شو يعني.........بس لا يكون تفكرين فيه .......أسميج أندحبتي واحد ماشفتيه أكثر من ربع ساعه قديتي تحبينه........ اليازيه: مب أبئيدي......... فطامي: حبوبه بسج أنت الميووود ... عنبوه تبين تجتلين أخويه.... اليازيه: أخوج مثل أخويه......... فطامي : لا والله.........شحقه أنتي عيل ماصديتيه طول هلسنين.... اليازيه: عاد لاتبالغين.........ياله كان من سنه يوم قالي ........بس ماعليه بصراحه أنا متخبله هليومين ......أسحب رمستيه و أعترف أني معجبه في ميوود...... فطامي: ياليت أنا محصله واحد يحبني ........جان ماقلت أق...... اليازيه وهيه مبتسمه: بعج ياهل ياحبيبتي........ فطامي: هيه صدقج.......... وبدت العزيمه وأكثر المعازيم كانن بنات فستانسو و كلو و غنو و رقصو..........و فتكن من حشرت العيايز... في ماليزيا ... حارب: شو نزلتو كل السامان......... علي : هيه كله صعدناه الحجره.... كانوا الشباب وايد عيزانين من السفره وهم بيتمون في ماليزيا يومين و عقب بيسيرون أستراليا........ طاف الوقت في ماليزيا الا في الرقاد و من نشو ردو المطار وسارو صوب أستراليا...وكانت الرحله طويله... في الطياره... علي : عنبوه ماتسوا علينا هذي السفره... وبعد 15 يوم لا أنا هب راد لين ماأشبع.. حارب وهو مقفي فيه رقاد: مشتهي عيش سوكه و سحناه أكيد شي في بمبي.... علي وهو يضحك: الله يغربل الشيطان ... شو هذا العله الي مودنها ويايه ياأخي نحن سايرين مالبورن .. هب بمبي... حارب وهوه يضحك على عمره أطلبلي قوطي كولا ينشطني....شو أسويبك ماخترت غير طيران الأمارات و ماروم أدوخ في هذي الطياره....... علي :أسميني أجديت............ حارب وهو يحط سماعات الووكمان على ذنيه: صدقك......بصراحه صدري قادي يعورني من الجقاره ....بس شو أسوي........ماروم أوقف علي : بنوديك مصحه ..... حارب مايرد على علي لأن مشغل الووكمان...........وفي المسجل كانت شريط ميحد .......و الجتبي مندمج ويردد وراه.......... أخذت قلبي وروحي و شلك أبعيني..................ماتدري أنك عيوني اللي أشوف أبها أمشي مع الوقت وطيوفك تخاويني........نشوت غرام المحبه من سبايبها.. .........صك الووكمان و تذكر عيون اليازيه........ حارب: شو سالفتيه لا يكون أراهق.. بس هب أول بنت أشووفها.......... شو هذي الحاله.. علي : أفففففف...الجتبي يرمس عمره............ حارب: مادري شو أقول ياخوي ........( وسكت وعقب دقيقه رد كمل) علي بتخبرك يصير تعجبني وحده شفتها لمدة 5 ثواني......... علي: لا ااااااا...............الحبيب أيحب عيل .......... حارب: رد عليه و لا تغير السالفه....... علي: شو فيك أضني الكولا ما نشطك..........الغالي أرقد أحسلك............... حارب: جلب ويهك ........ أنا الغلطان يوم أسولف ويا ناس شراتك......... علي: لايكون ظهر العرج.......لا يكون زمفخت......... حارب صااااااد صوب دريشت الطياره و لابسنه................... علي وهو يرمس بمنطق شباب كلية خليفه الجويه: بصراحه .......محد يعجب أبحد بسرعت الصوت......ولا فيه مجال يحل في مطار مافيه برج مراقبه......... حارب: لا تخورط.......... علي: أنا جاد........... حارب : بس نحن نقدر نحل في أي مطار ياذكي .......لأنا سحور.......(وهو يضحك) علي: هب هباك الله .................... وتمو يضحكون .......... ونسو السالفه ويلسو يطاعون فلم لين وصلو مطار سدني....... في جميرا........... سارن البنات قوم اليازيه و موزه و وفطامي و عفاري صوب البحر و كان قبل المغرب..... كانن يالسات ويسولفن .......طافت عدالهن نيسان عشبيه بو باب ........ و الأخ اللي فيها مطول على المسجل........ يا طارشي ود السلام ورده ..........للي عيونه و الهدب مسوده ........غالي.........الخ عفاري: تغشن يابنات موزه وهيه تسأل فطامي: منو هذا........... فطامي وهيه تبتسم : معجب موزه: لا ...جد منوه فطامي: سلمج الله هذا ثاني لوزه اليازيه: و أنا أول همبا...........(وهيه تضحك) موزه: ها ها ها ماتضحكين ...... عفاري : سلمكم الله ....هذا أسمه ثاني بن سعيد بس لبوقته لوزه موزه: يعني النك نيم ماله ............ فطامي:yes my dear وتمن يضحكن المهم كان ثاني أكبر مغازلجي في الفريج.......كان فاشل دراسيا لأنه عمره 25 و بعده أول ثنوي...في الجيش....المشكله الأكبر أنه كان الأخو العود لريل عفاري ... الي أسمه محمد..و محمد كان دارس في بريطانيا و الحين توه مستلم شقل في دائرة الجوازات و عمره 23 ........شاب كامل المواصفات مثقف جميل حسن السيره والسلوك..... موزه : مب هذا عيل خطيب عفاري......... عفاري: حشاااااااااا....الله لا يقوله ......هذا الخبله ريلي..............لا وقف عدالهن بسياره.......... موزه: ما يستحي......... عفاري وهيه متمالكه أعصابها:انا براويه................. تضهر مو بايلها ... وتتصل الميوود...... عفاري: ميووود وينك............ مايد: في الميلس هيا الشباب ......... عفاري: هات الشباب و تعال......عندنا ضرابه مايد : خير خير شو مستوي........ عفاري: هذا ثاني موقف عدالنا ومطول على الاغاني بعد لا يستحي ولا يخيل...... مايد:منو ثاني عفاري: لوزه مادري ناريله مايد ضهر من الميلس ...وهوه يقول: بسم الله عليج.... عفاري: ليش مايد : أنا يالس ألعب وياه ورقه.........وأشوفه بعيوني من الدريشه........ ظنكم منو هذا اللي في السياره.................؟ ظنكم شو بيسوون قوم حارب في استراليا........؟ ظنكم شو هديت أبو اليازيه البنته....و تتوقعون التغير الأحداث......... __________________ |
| الساعة الآن 01:45 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir