منتدى استراحات زايد - حمــــدان * تكفا * لا يطول غيابكـــ { حمدان + فــــرح

بسم الله الرحمن الرحيم

السلام عليكم ورحمة الله وبركاته

عنوان القصه : حمدان تكفا لا يطول غيابك

الكاتبه : ~ CuteGirl~

ملاحظه : بعض احداث القصه واقعيه والبعض الاخر من خيال الكاتبه

ابطااال القصه

بيت ابو محمد

ابو محمد: رجل صالح واخلاقه عاليه طيب جداا يحب عاايلته بس للاسف ما يلقى
الوقت اللي يقعد فيه معاهم داااااايماا مشغوووووووول لانه رجل دبلوومااسي
يشتغل بسفارة الكويت بالسعوديه يرووح لاهله بعطلة نهاية الاسبووع .

ام محمد :مراا سنعه تحب اهلهاا وعايلتهاا وتبدي عايلتها على مستقبلهاا كونهاا خلت
الشغل عشاان عايلتها وفي ظل ظرووف عدم وجود رب العايله بينهم

سارا : بنت كسووووووله معطيه الحيااه طاااف ما همها شغلهاا وكثييييير تغيييب
عن الشغل بسب النوووم عمرهاا 23 سنه متزوجه وعندهاا ولد وبنت مطيرين عقلهاا

محمد: رجل عصاامي بدوي ههههه وسيييييم جداااا يحب الكشخه وما يرضى يشوف الغلط ويسكت
طموووح جدااا ما يحب الكسل والرباده وعمره 21 سنه طالب بكلية الهندسه وبنفس الوقت
يشتغل بشركة العايله كان طمووحه يدرس خارج الكويت بس اهله مارضووو ما يقدرون
يتحملون فراقه لانهم معتمدين عليه حييل بكل شي بغياب ابو محمد .

حمد : يحب الضحك والوناسه والفرفشه ويكره الحزن يحب الشعر ويعشق الخيل
ما يحب الدراسه بسبب فشله فيهاا ويحب جمعات الربع والقعده بالديوانيات ومتهوور
جداااا يحب التقحيييص (التفحييط ) بدرجه مب طبيعيه عمره 19 سنه

فـــرح : بنت جمييييييله جدااا طيووبه ومملووحه وفيهاا كل مميزاات البنت
الشرقيه البدويه ودلوعة ابوها تحب الجمعات وسوالف البنات اهم شي عندها بالدنياا
الدرااسه+ النت مدمنة انترنت فيهاا جنون مب طبيعي عليه تقضي بحدوود 8 ساعات يوميا
على النت غير العطله تقضي يومها كله عليه ما يفرقها غير النوم عمرهاا 16 سنه

ريم : دلووعه واهم شي عندهاا الدراسه تاكل الكتاب اكل ما تخلي شي يطوفها
حياتها قالبتها وردي × وردي من كثر حبها له اللون طمووحها انهاا تسوي
ماركه عالميه تحمل اسم ورديه وعمرهاا 14 سنه

يوسف /: اخوو ام محمد مربيه ابو محمد من يوم كان صغير عقب ما توفو
ابووه وامهم وخلووه عند ام محمد لانها اخته الكبيره واهي راح تهتم فيه اكثر
رباه ابو محمد ومافرقه عن عياله وخلاه حسبت ولده حسب وصية ابو مرته
ويوسف شاب متهور يحب الكشخه ويمووت على بنت اخته فرح حيل معاها
ومايرضى علييها مدلعهاا اخر دلع وهو وسيييييم جدااااا وهو حلم كل بنت
بالعايله يحب الضحك والسوالف راعي مقالب بس طموووووحه ماله حدود
ومايرضى عن الغلط ومايحب المصخرره وحركات شباب هالايام عمره 20

عايلة ابو حمدان ( اخو بو محمد )

ابو حمدان : رجل عصبي جداااا كل شي عنده بحسابه ما يحب الكسل
والحياه عنده شغل × شغل

ام حمداان :ام حنوونه تحب عيالها ما ترفض لهم طلب مدلعتهم بدرجه مو طبيعيه
وكل شي يبونه مجاااااب .

حمدان : شاعر يحب الخيل ويموووووت ع البر والمقناااص وسيييييييم جدااااا
عنده طمووح يدرس براا بس غير رايه باخر لحظه لانه يخاف من الغربه
ولانه يقول انا مطبق المثل اللي يقوول من عاش مع القوم 40 يوم صار منهم
وفيهم ههههههههههههههههه يحب عالم الانترنت ودايماا ع الشات او المسن
لكنه خلووق جدااا واهم شي عنده اخلااقه وعمره 19 سنه

فاطمه : بنت عسل الكل يمدح فيها باخلاقهاا وهي دايما على نياتها تحب الخير للكل
ماتحب الدراسه دومهاا ما تستوعب تكرره المدرسه وما تطيقهااوهي صديقه
فرووحه بنت عمها الروح بالرووح وعمرهاا 17

عايله ابو سالم _ ( جيران عايلة ابو محمد )

ابو سالم : رجال سمعته طيبه وصيته بين الناس عايلتهم معرووفه من تجار الكويت
وهو طيب جداا ويشووف نفسه بعياله سالم وعبد العزيز وهو حالته الصحيه
من سيء الى اسوء

سالم : شاب صالح دايما يمشي مع الشباب الصالحين و ما طوفه ولا صلاة
يحب دراسته ومتفوق فيها عشان يرفع راس ابووه ولا يفشله عمره 18

عبد العزيز : شاب متهووووور حده فااااااصل يحب المغاازل ومافي مجمع بالكويت
ما غازل فيه ارحم شي فييه انهم متفوق دراسياا ولا جان اذبحووه اهله
ما يخلي احد بحاله حتى رفيجات اخته يسرق ايميلاتهم ويكلمهم ولاكن
عند الرياييل بالديوانيه ولاكانه عبد العزيز اللي براااااا وعمره 17

الجوري : بنت فاااااشله دراااااسيااا عكس اخوانها تحب الاغاني مدمنه على صوت
راشد ما يهمهاا بالدنياا احد ومسويه للمدرسه طااااف ودايماا تنجح عقب عناء
طويل او واسطه خخخخخخخ واهي رفيجة فرح بالمدرسه وتحبها موووووووت
واهي تحب الشعر لحبهاا للشيخ حمدان بن محمد ال مكتوم قالبه البيت كله صوره
ومسمينها ام حمداااان هههههههههه وعمرهاا 16

العنوود : عووباا + ملسوونه تحب المقالب ودايما تسوي مشاكل
تحط اهلهاا بمواقف محرجه دايماا ودايماا مفشلتهم ودايماا يعاقبنوها

البارت الاول "

في بيت ابو محمد

الساعه 1 صباحاا :
ام محمد تحووس بالبيت وتشوف غرف عيالهاا وتطمن عليهم ودخلت غرفت فرح
ام محمد : فرووحتي يمه شفييج ليما الحين ما نمتي ما مليتي وانتي قاعده بروحج
تقابلين هالجهاز ما زهقتي اااااااااااااف حاااااالتج تبط الجبد

فرح : يمه تعرفين اني مدمنة انترنت وانا لو يمر يووم ما ادخل المنتدى او المسن
يصير فيني شي
ام محمد : ههههههه يمه اسملى عليج اي قلنا ادمان بس مو جذي طلعو عيونج
من كثر ما تخزين هالجهاز
فرح : هههههههههههههههه حلوة تخزين كثري منهاا يما
ام محمد : حبيبتي انا كل ما دخلت عليج قلتيلي صارلي بس ساعه قاعده
عليه حسبالج غبيه اكيد اليوم كله علييه
فرح : والله شسوي ملل وزهقاا واقضي وقتي علييه خاصة هالايام صاير عجيب
ام محمد : ههههه عجيب شلوون
فرح : يماا مثل منتي عارفه هالايام ايام الانتخابات والانتخابات ماباجي
عليهااا شي ويبدي التصويت
ام محمد : اهااااا عشان جذي
فرح : زين يماا لمنوو بتصوتين
ام محمد : هههههه خووش سؤال اكيد راح اصوت للاربعه اللي بقبيلتنااا
فرح : اهاا ان شاء الله فالهم التوفيق وان شاء الله يفوزون
ام محمد : ان شاء الله الحين اخليج برووح انام وانتي بعد ناامي
فرح : اوكي مماتي تصبحين على خير
ام محمد : شنو اوكي مثل كل مره والقااج نايمه 10 الصبح ويوم الاحد مدرسه
فرح : يمااا عاد خليني على راحتي
ام محمد : اااااااف مننننننج ما ينقدر علييييييج
وراحت ام محمد تنااااام وفرح ليما الحين شابكه وما تقدر تفارق المنتادى
وفجااه سكروووو المنتدى وبيعدلوون فيه ويمكن تاخذ الصيانه 3 ايام او اكثر
وفرح بهالوقت توهقت ملللللت واكثر اللي بالمسن رااح يناموون واهي مو
نعسانه وخوااانهااا نايمييين شتسوي قررت فرح تدخل الجات مع انها ما تحب
الجات قالت خل ادش ويمكن القى رفيجتي لانها مراقبه بالجات
واونس عمري لانه ملل وقررت تدخل الجااااااااات
وطبعاا جاات \ كويت 25 اشهر جات بالكويت
وكتبت نكــ غريب ومعبر عن المنتدى الي اهي فيه والكل يدخل ويسالهاا
عن النك وله الدرجه متاثره بالمنتدى واهي مالهاا خلق ترد قعدت تسولف
ع العام لانها مالها خلق تعرف والسوالف وبس ردت على اثنين

الاول تتعبط عليييييه والثاااااني شدها اسلووبه

الاول : سلااااااام علييييكم
فرح : وعليكم السلااااااااام
الاول : ممكن نتعرف
فرح : ههههههههه احلف
الاول : لبى المبسم
فرح : تسلم
الاول :الله يسلمج يا قلبي
فرح: .........
الاول : الووووو
فرح: لبيه
الاول : لبيتي بمنى يا رب
فرح : امييين يا رب
الاول :زين ليش تطنزتي على يوم قلت بتعرف
فرح : لان ما عندك سالفه
الاول : افاااااا ليش انتي ليش اسلوبج جذي
فرح : انا جذي اخر زمن بتغيرني انت
الاول : ليش شفيني انتي مغرووره وشايفه عمرج
فرح:انت ما تعرفني واول مره تكلمني تبي تعرف شرايك اقولك كل شي عني
هههههههههههههههههههههههه
الاول : لا بس حبيتهاا صداقه
فرح :اوكي بس انا رافضه
الاول : زين خليييج كووووووول وخل نتعرف ونشوف بعض
فرح : اوكي وين تبينيي اشووفك
الاول : المكان الي يريحج

وشقااالت فررح للشاب الاول

وليش انشدت للثااااني ؟؟؟؟

اتريووووو البارت الثاني ^_*

ملاحضة : احداث القصه واقعيه